BWAKINYI BI NA MUULO: Nsaa yabelumbula, balongi ba Bible be kwikala na ngobesha ya kupusha na kutentekyesha bukidi bya twibalongyesha. P’abapusha na kutentekyesha, abikala bibofule bwabadya kwenda kumpala. Sunga kunyima kwa kubatshishibwa, abekala na kyubishi kya kwilumbula bwa bisangilo na bwa bulungudi bwabadya kutungunuka na kwikala “bapasukye.” (Mat 25:13) Kukatusha byabya, kuuka bya kwilongyela na kwikala na kyubishi kibuwa kya kwilongyela akwibakwasha mu nshalelo aabo oso. Mbikile buwa kubanga ku mbangilo bwatudya kukwasha balongi betu bwababadya kwikala na kyubishi kibuwa kya kwilumbula bwa kwilongyela Bible.

BYA KWIBIKITA:

• Ikala kileshesho kibuwa. (Lom 2:21) Elumbule bwa kulonga kooso na mulongi mu binangu byobe. (km-F 11/15 3) Muleshe byodi mulumbule mu oobe mukanda

• Mukankamikye bwa kwilumbula. Ku mbangilo kwa kulonga, muleshe shi kwilumbuula nkwikale kipindji kya mpango ya kulonga Bible, na kumupatulwila bipeta byako. Muleshe byadya kupeta nsaa mu programe aaye bwa kwilumbula. Bangi balongyeshi abapaa balongi mukanda wabo wabadi beele mishoonyi nsaa ya kulonga bwa kukwasha mulongi bwadya kumona bipeta bya kwilumbula. Mutumbule su bomupete mmwilumbule

• Muleshe bya kulumbuula. Ku mbangilo, bangi balongyeshi abataa kipindji kishima kyabadya kulonga bwabadya kulesha balongi babo kipaso kyabadi balombene kwilumbula