NSHALELO A BUINA NKIDISHITU
Yehowa apaashaa bano boso bena mashimba asasukie
Ingi nsaa atue boso atupusha kenyongoshi. Kupusha kenyongoshi ta kitunduilo kiashi tuibabofule mu kikudi nya. Na dingi, Yehowa alesha’shi kui nsaa yabaadi mupushe kenyongoshi. (Kib 6:5, 6) Tui kukita kinyi su tuekala atuinyongola nsaa yoso?
Teka Yehowa bukuashi. Yehowa apasukilaa bi’atuipusha ku mbidi na mu binangu. Auku nsaa yatudi na muloo na yatudi benyongole. Auku buakinyi atunangushena, atupusha sunga kukita kintu mu mushindo kampanda. (Mis 7:9b) Muanda wi na muulo, Yehowa etupasukilaa na kuitukuasha bua kupua kinyongua sunga kukalakashua mu binangu.—Mis 34:18.
Kaluila binangu biobe. Nsaa yatudi babofule kuishimba, t’atushimishaa penda muulo nya, kadi abikalaa dingi na bukitshishi mpa na ku bu kuuku buetu na Yehowa. Nyi buakinyi abitungu tukaluile eshimba dietu, kuamba’shi muntu eetu a munda.—Nki 4:23.
TALAYI VIDEO AMBA’SHI MUSHINDO USHAALE BAKUETU MU BUTAALE SUNGA KUEKALA LUKALAKASHI LUA MU BINANGU, AKUPU NUALULE KU INO NKONKO:
-
Mianda kinyi ibakitshine Nikki bua kupua lukalakashi lua mu binangu?
-
Buakinyi Nikki bamuene‘shi abitungu apete bukuashi bua ba munganga?—Mat 9:12
-
Mushindo kinyi ubaadi Nikki mukulupile’shi Yehowa amukuasha?
