SHALAYI BAPASUKIE!
2022: Nkipua kia kafutakanyi—Bible akula kinyi?
Mu kipua kia 2022, tui bende nka na kupusha nkumo ya ngoshi, nkalakashi ya makuta na masaku aakitshika ma mbalo atudi bashale. Nka penda Bible nyi apatuula buakinyi ino mianda ikuete kukitshika.
Akipatuula mianda ikitshikie mu 2022
Mianda ikitshikie kipua kishale ayinyisha kulesha’shi tui mu mafuku aayitanyina Bible bu “mafuku a ku nfudiilo.” (2 Timote 3:1) Ano mafuku ngabangie mu kipua 1914. Tala mianda ikitshikie kano kabidi biayipetena na bibaadi Bible mupue kuakula bua mafuku etu:
“Ngoshi.”—Mateo 24:6.
“Kipua kia 2022, nyi nkipua kikele Europe mupete dingi nkalakashi ibukopo ya ngoshi.” a
Tala muisambo awamba’shi: “Russie batuuku Ukraine ngoshi.”
“Bipupa bia nsala.”—Mateo 24:7.
“Kipua kia 2022: Nyi nkipua kia nsala ibukopo.” b
Tala muisambo awamba’shi: “Ngoshi ya Ukraine ibanyisha kutuesha nsala mu nsenga ishima.”
“Bipupa bia mikumbo.”—Luka 21:11.
“Kualukiila kua mukumbo wa mbalanga, w’abetanyina bu variole de singe ukuete kukaamina ngofu na kipupa kia COVID-19 kikuete kutungunuka na kuipaa bantu ngofu, bibalesha bukata bua masaku aatukila ku mikumbo ya luambu na bikale bantu mu masaku.” c
Tala muisambo awamba’shi: “Bantu midiyo 6 mbafue na COVID.”
“Bintu abitshinyisha.”—Luka 21:11.
“Kibobo kibukopo, munanga, kaalo akashiiki mitamba, na kuula kua mema. Kipua kia 2022 abekitentekiesha ku klima mukile muluishe bintu, kuipaa bantu binunu nkama, na kutakula bantu midiyo mu nsenga ishima bua kutentuluka mbalo yabadi bashaale bua kuenda mu kushaala kungi.” d
Tala muisambo awamba’shi: “Kukaamina kua kibobo kikile bukopo mu nsenga ishima.”
“Kafutakanyi.”—Luka 21:9.
“Kutomboka kua bena eumbo muanda wa nkalakashi ya makuta, bikishekishe pabitale kukaamina kua muulo wa bintu, nkufuishe bantu mu kutombokiela mbulamatadi bikile mu 2022.” e
Tala muisambo awamba’shi: “Kukaamina kua muulo wa bintu mu nsenga ishima.”
Kipua akifiki akituala mianda kinyi?
Takui muntu mulombene kushinkamisha abikakitshika mu kipua kia 2023. Kiatuuku mpenda’shi binobino, Bufumu bu’Efile Mukulu, sunga mbulamatadi a muiyilu, akiebe kupudisha mianda i pa nsenga. (Ndanyele 2:44) Yawa mbulamatadi akakatusha bintu bioso abifuishila bantu makienga na kukita bia’shi kikiebe ki’eshimba di’Efile Mukulu kikitshikie pa nsenga.—Mateo 6:9, 10.
Atuinunyingisha buanudia kuikala “bapasukie”, sunga kulondesha mushindo ukuete kukidika mianda mu nsenga ishima abilombasha butemuki bua mu Bible. (Mako 13:37) Bible mmulombene nkukuasha kubanga binobio na nkupa obe na kifuko kiobe, lukulupilo bua mafuku aafiki. We mulombene kuitufundila su okumiina kuuka bibungi.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Tala dingi
NGALUULO YA KU NKONKO YA MU BIBLE
Nkitunduilo kinyi kia “mafuku a ku nfudiilo,” sunga “nsaa ya nfudiilo”?
Bible mmutemukie mianda ibungi boso buayo ayilesha mafuku a ku nfudiilo.
KITENTA KYA MULAMI
Efile Mukulu afudiisha makyenga ooso binobino
Twi kuuka naminyi’shi Efile Mukulu akyebe kufudiisha makyenga ooso na kukutwa kwa kululama binobino?
ESSENTIAL BIBLE TEACHINGS
Bufumu bw’Efile Mukulu nkinyi?
Yesu mu mudimo waye, baadi mulambukishe Bufumu bw’Efile Mukulu kukila ingi myanda yooso. Munda mwa bipwa nkama, balondji baaye abatekanga shi bwabwa Bufumu bufikye.
MIISAMBO IBUNGI
Lukulupilo lua binyibinyi bua nshalelo ebuwa mu mafuku e kumpala
Buakinyi milayilo i mu Bible ngilekene na mpuandikishi ya bantu?
TWI BANTU KINYI?
Teka bua’shi bafikie mu kukutala
Esambe mianda ya mu Bible sunga kulonga bibungi pabitale ba Temue ba Yehowa.
