SHALAYI BAPASUKIE!
Bantu abashimisha lukulupilo mui bena politike—Bible akula kinyi?
Mu kipua kia 2024 mu nsenga ishima mu ma mbalo ebungi abeele mikanda bua kusangula ba nfumu b’eumbo kukila biabikeele mu bipua bishaale. Anka, bantu bebungi bakuete kushimisha lukulupilo luabo mui bena politike.
Bena Amérique bebungi babekeele bele nkonko mbaleshe’shi: “Bena politike bebungi kiabakimbi mpenda buwa buabo” tabe na lukalo lua kufubila bantu nya. a—Pew Research Center, 19/9/2023.
Ba nsongua bebungi dingi ta mbakulupile mui bena politike nya.
“Bana be mu bipua ekumi na bungi bakuete kuikalakasha bua kupeta bipeta ku mianda i na muulo, anka p’abebeele nkonko abalesha’shi be na politike ta nyi b’abakulupila bua kupeta biabia bipeta nya.”—The New York Times, January 29, 2024.
“Kingi kisaka kia bantu abelaa nkonko akilesha’shi, ba nsongua mbakulupile mui baaba abakitshi miisambo ku YouTube kukila bena politike.”—The Korea Times, 22/1/2024.
Tui kukulupila’shi bena politike abekasha nshalelo ebuwa mu mafuku aafiki su? Nnanyi atudia kukulupila?
Dimuka pabitale odia kukulupila
Bi na muulo bua’shi bantu bekale badimukie pabitale muntu abakulupila. Bible amba’shi: “Sha-bukumiinekumiine akookyelaa ku kyooso kyaabamba, anka muntu mudimukye eeyipushaa kwende.”—Nkindji 14:15.
Bua kuuka biodia kutundula mikandu ya binyibinyi na mikandu ya madimi, badika muisambo awamba’shi: “Ekaluile ku mikandu ya madimi.”
Na dingi, sunga bena politike bekala na kululama mpa na eshimba dibuwa naminyi ta mbalombene kukita kioso ki’abanangushena kukita nya. Nyi buakinyi Bible adimusha’shi:
“Tanukulupilanga mwi bakata, sunga mwi bantu, abo bashii balombeene kupaasha.”—Misambo 146:3, Biible Bifundwe Biiselele.
Mukunkushi odia kukulupila
Bible apatuula’shi Efile Mukulu mmutuule mukunkushi e na ngobesha yoso na akukulupila: Yesu Nkidishitu. (Luka 1:32, 33) Yesu nyi Nfumu a Bufumu bu’Efile Mukulu, mbulamatadi akunkusha kukatukila muiyilu.—Mateo 6:10.
Longa buakinyi we na kia kukulupila mui Yesu na ki’akakitshi bua kupudisha nkalakashi yatudi nayo. Badika miisambo ayamba’shi: “Nnanyi Nfumu a Bufumu bw’Efile Mukulu?” na “Bufumu bw’Efile Mukulu abukalombasha myanda kinyi?”
a Pew Research Center, “Americans’ Dismal Views of the Nation’s Politics,” September 2023.
Tala dingi
MIISAMBO IBUNGI
Lukulupilo lua binyibinyi bua nshalelo ebuwa mu mafuku e kumpala
Buakinyi milayilo i mu Bible ngilekene na mpuandikishi ya bantu?
ESSENTIAL BIBLE TEACHINGS
Bufumu bw’Efile Mukulu nkinyi?
Yesu mu mudimo waye, baadi mulambukishe Bufumu bw’Efile Mukulu kukila ingi myanda yooso. Munda mwa bipwa nkama, balondji baaye abatekanga shi bwabwa Bufumu bufikye.
ESSENTIAL BIBLE TEACHINGS
Twi kushinkamisha naminyi shi Bible mmukanda wa binyibinyi?
Su Bible mmukanda w’Efile Mukulu, ta mulombeene kwikala bu ingi mikanda yooso.
TWI BANTU KINYI?
Teka bua’shi bafikie mu kukutala
Esambe mianda ya mu Bible sunga kulonga bibungi pabitale ba Temue ba Yehowa.
