Muyiile abilesha Organisation mondiale de la santé (OMS), mpa na muifuku dia 23/05/2022, bantu midiyo 6.27 mbafue na COVID-19. Biabia, muyile mikandu ya mu 5/05/2022, OMS apuandikisha’shi bantu bafue mbakile bungi. Alesha’shi mu kipua kia 2020 na 2021, “bungi bua bantu bafue na kipupa kia COVID-19 sunga bua ungi muanda . . . buikele bufikie ku midiyo 14.9.” Bible akula muanda kampanda pabitale lufu lua bantu bebungi bino su?

•    Yesu baadi mutemukie’shi akuikala bipupa bia “mikumbo ibukopo,” mu kipungo kiabetamina bu “mafuku a ku nfudiilo.”​—Luka 21:11, Contemporary English Version; 2 Timote 3:1.

 Butemuki bua Yesu bukuete kulombana lelo uno. Bua kulonga bibungi tala muisambo awamba’shi: “Quel est le signe des “derniers jours,” ou “temps de la fin”?”

•    “Efile Mukulu a busaambi booso . . . etusambaa pabitale kinyongua kietu kioso.”​—2 Bena Kodinda 1:3, 4, Kilombeeno kipya 2014.

 Bantu bebungi bafuishe bakuabo, mbasambibue na mukandu wa mu Bible. Longa bibungi mu miisambo ayamba’shi: “Bia kupudisha kinyongua​—Kiodia kukita lelo uno” na “Bukuashi bukile buwa kui baaba be na kinyongua.”

•    “Bufumu bwobe bufikye; kikyebe ki’eshimba diobe kikitshiibwe bu [biakikitshiibwa] mwiulu, mpaa na pa nsenga.”​—Mateo 6:10, Kilombeeno kipya 2014.

 Kubashaala mafuku apeela “Bufumu bu’Efile Mukulu” bukite bia’shi “mwimushaale sunga umune tamba dimo’shi: ‘Ne na mukumbo.’” (Maako 1:14, 15; Yeeshaya 33:24) Tala video amba’shi Bufumu bw’Efile Mukulu nkinyi? Bua kuuka mianda itale uno mbulamatadi a muiyilu na kiakiebe kukita.

 Atukutekie bua’shi olongie bibungi pabitale akiamba Bible bua’shi obe na kifuko kioobe nupete miabi ya mu milayilo yaaye ikile buwa.