SHALAYI BAPASUKIE!
Bena sianse abatakula nsaa ya nfudiilo ya nsenga kumpala—Bible akula kinyi?
Muifuku dia 24/1/2023, bena sianse bekele batakule mulonda wa nsaa ya nfudiilo a nsenga a y’abetamina bu (horloge de la fin du monde) pepi ngofu na midi ya bufuku, abilesha nfudiilo ya nsenga.
“Nsaa ayilesha nfudiilo ya nsenga” ayilesha masaku a bantu abebutula abo banabene. Mu dia kabidi, bena sianse bekeele batakule mulonda pepi na midi ya bufuku kukila biaubaadi kumpala, pa muanda wa mianda bu ngoshi ya mu Ukraine, moo wa ngoshi ya nikleere, kuluila kua klima a mu nsenga.”—AFP International Text Wire.
“Mu dia Kabidi, bena sianse bekele baleshe’shi: ‘Nsaa ayilesha nfudiilo ya nsenga’ ibefubuila ngofu mu sekonde 90 kumpala kua midi ya bufuku—bantu abefubuila ngofu pepi na Armagedone.”—ABC News.
“Kisaka kia bena sianse ba mu nsenga ishima kikeele kidimushe’shi, abimueka’shi bantu abebutula abo banabene ngofu kukila bibaabidi kumpala.”—The Guardian.
Muwa wa bantu na planete etu a nsenga ubefubuila ku nfudiilo ngofu su? Abitungu’shi tutshine abikakitshika mu mafuku e kumpala su? Bible akula kinyi?
Mmianda ayikakitshika mu mafuku e kumpala
Muyile abiamba Bible, “nsenga ayishala kuanka bua loso” na’shi kui bantu abekala na “muwa wa loso panka.” (Mulungudi 1:4; Misambo 37:29) Biabia bantu t’abakaluisha nsenga na kuikasha planete etu bu mbalo ishi ilombene kushala nya.
Anka, Bible aakula pabitale nfudiilo. Bu kileshesho, amba’shi: “nsenga ayikidi.”—1 Yowano 2:17.
Bua kupusha akipatuula Bible p’akula pabitale nfudiilo ya nsenga, badika muisambo awamba’shi: “Nfudiilo ya nsenga tayidi pepi su? Kibafumbuuilue nkinyi?”
Bua kulonga akiamba Bible pabitale nsaa ya nfudiilo ya nsenga ayifiki, badika muisambo awamba’shi: “Quand la fin du monde viendra-t-elle?”
Kushala na mueneno ebuwa
Bible mmulombene kuitukuasha bua kushala na mueneno ebuwa sunga mbiatumono nkalakashi mu nsenga. Mu mushindo kinyi?
Bible etupa elango dibuwa. (2 Timote 3:16, 17) Bu kileshesho, badika muuisambo awamba’shi: “Bia kukambila kenyongoshi kakilekile” bua kupusha mushindo ulombene nkukuasha Bible bua kushala na mueneno ebuwa sunga kuekala nkalakashi mu nshalelo.
Bible atuusha lukulupilo lui buwa bua mafuku aafiki. (Bena-Loma 15:4) Apatuula binyibinyi kiatudia kukulupila kubanga binobino na mu mafuku e kumpala, abitukuasha bua kuikala n’eshimba dinyingie sunga kuakitshika mianda i naminyi mu nsenga.
Bodia kuuka mianda ibungi ayituukila mu Bible, atukutekie okumiine’shi tutompe kulonga nobe Bible buntu lelo uno.
a “Nsaa ayilesha nfudiilo ya nsenga, nyi nkintu kiabadi bakite bua kudimusha bantu boso’shi kubashaala kapeela bua’shi tubutule nsenga yetu na bintu bia teknoloji biatukuete kukita atue banabene. Nkipuandiikisho, na nkutentekiesha kua bantu’shi tui mu masaku su atukumiina kupanda mu planete.”—Bulletin of the Atomic Scientists.
Tala dingi
ESSENTIAL BIBLE TEACHINGS
Bwakinyi Efile Mukulu mmutadiile makyenga?
Bible atusha lwalulo lwibuwa na alunyingisha.
ESSENTIAL BIBLE TEACHINGS
Bwakinyi Efile Mukulu bapangile nsenga?
Nsenga yatudi bashaale i na binti bikile buwa. Ngitudiibwe pa bula bulombanyine na nguba, ayifuunyu bilombana na kwimika kalolo. Bwakinyi Efile Mukulu badi mwitatshishe bikata bino bwa kupanga nsenga?
TWI BANTU KINYI?
Teka bua’shi bafikie mu kukutala
Esambe mianda ya mu Bible sunga kulonga bibungi pabitale ba Temue ba Yehowa.
