Mu mueshi wa 7/2022, nkukitshike bibeshi bia kuipa bantu mu nsenga ishima:

•   “Kuipayibua kua muina politike muende nkumo mu Japon [Shinzo Abe baadi Premier ministre] nkukalakashe eumbo dishima na nkupalakashe mu nsenga ishima mukandu w’etombo dikile bubi, bikishekishe pabitale kukutua kua kutuula binangu ku etombo muiumbo na kukutua kua miiya pabitale kuikala na mputu.”​—10/07/2022, The Japan Times.

•   “Denemark e mu maalo muntu e na mputu bayipaa bantu basatu mu kisalue kia mu Copenhague.”​—4/7/2022, Reuters.

•   “Afrique du Sud: bantu 15 abebayipaa kui bantu be na ma mputu mu lupata lua Soweto.”​—10/7/2022, The Guardian.

•   “Bantu bakile pa 220 mbayipayibue na ma mputu mu États-Unis kubanga muifuku dia 4 dia mueshi wa Musambo na mafuku apela kunyima kuabo kuenda mu mpooso ya kuikisha.”​—5/7/2022, CBS News.

 Kui lukulupilo lua’shi dino etombo adikapu su? Bible akula kinyi?

 Bible ayitamina kino kipungo kietu bu “mafuku a ku nfudiilo,” kipungo akikitshi bantu mianda n’etombo, na lukiso, na kukita mianda bu nyema. (2 Timote 3:1, 3) Dino etombo aditakula bantu mu kuikala na moo. (Luka 21:11) Anka, Bible mmulee kipungo akikapu etombo na “mwilo aushikama mu nsenga ya buutale, mu mbalo yabashii muanda na muntu, mbalo ya bulungantu.” (Yeeshaya 32:18) Mushindo kinyi aukapu etombo?

 Efile Mukulu akakatusha bantu babi booso mpa na bina ngoshi bioso.

•   “Bantu babi abakatushibua pa nsenga.”​—Nkindji 2:22.

•   “[Efile Mukulu] aimika ngoshi nyaa na kufudiile nsenga, atshiokola buta, asooso milumbu ashiiki matempu na kaalo.”​—Misambo 46:9.

 Efile Mukulu akalongiesha bantu bia kushaala mu butaale.

•   “Takukitshiibwa’nyi bubi, sunga mwanda wa kibeshi, pa mwengye wande wiselele. Mwand’eumbo adiikala dyuule na kuuka kwa Yehowa, abyuulaa meema mu mbuu .”​—Yeeshaya 11:9.

•   Sunga mbinobino, Efile Mukulu alongiesha bantu ba mu nsenga ishima bua kuleka buntomboshi na kufubisha ma mputu aabo “bua kukupila mieele yaabo kitootwa, beeyikite nkanya dingi na milumbu yabo beyikite mieele.”​—Mika 4:3.

 Bua kulonga bibungi pabitale milayilo ya mu Bible ya nsenga ishi na moo, badika muisambo awamba’shi: “Affranchi de la peur: est-ce possible?”

 Bua kulonga bibungi pabitale abikapu etombo bua looso, badika muisambo awamba’shi: “Enfin la paix sur la terre!”