Nsaa y’opusha abakula muaku “kibafumbuilue” opuandikishaa naminyi? Pangi opuandikishaa na masaku kampanda aakafuila nsenga ishima, aakafudiisha muwa pa nsenga. Bangi bantu abambaa’shi masaku e biabia aakafuila nsenga, bikishekishe nsaa y’ababadikaa mu ma jurnale mianda bu ino:

•   “Ngoshi ya nikleere​—ayikabanga mu kabasamushi muanda bantu t’abepushena nya.”​—Bulletin of the Atomic Scientists.

•   “Mu bipua ekumi bishaale, kipapi kikata, kaalo kashiikie mitamba, kukutua kua mpeshi kunoka, kuluila kua malangi a bikunuanga, kanya ke bukopo, mpa na kuwula kua mema mbiluishe bintu ma mbalo akile bungi mu nsenga.”​—National Geographic.

•   “Takudi bipua makumi mu Afrike mui bisaka bia mpasu ikuete kuluisha bikunuanka.”​—The Associated Press.

 Nsenga ayikaluishibua mu kibafumbuilue kia nsenga ishima su? A nkinyi akiamba Bible?

 Nya. Bible Eyi di’Efile Mukulu, kuete kuitubatamisha mashimba pa kuitulungula’shi nsenga ayikala kuanka bua looso. (Mulungudi 1:4) Pamutue padia kuluisha nsenga yadi mupangie, Efile Mukulu ‘akaluisha bantu abaluisha nsenga.”​—Kibafumbwilwe 11:18.

 Muyile abiamba Bible “nsenga” ayikafudiila nyi mbantu bashabakookielaa Efile Mukulu bano bantu dingi abakimbaa nka penda buwa buabo. Mu mushindo umune na bibaadi mukite mu mafuku a Nowa, Aye akafudiisha ‘nsenga ya bantu bakuete kusabuula Efile Mukulu.’​—2 Mpyeele 2:5; 3:7.

 Anka abilesha 1 Yowano 2:17, “nsenga na lwabi lwayo ayikidi.” Uno verse alesha’shi Efile Mukulu t’akaluisha ino nsenga nya, akaluisha bantu abatungunuka na kukita bibubi.

 Bible ta muitulungule nsaa ayikafiki nfudiilo nya. (Mateo 24:36) Anka, etulesha’shi nfudiilo tayidi peepi. Bible mmutemukie mianda bu:

•   Mianda bu ngoshi, kukutua kua bidibua, mikumbo, kutshinkatshinka kua nsenga kui bukopo, abikala kuanka “mu ma mbalo ebungi.”​—Mateo 24:3, 7, 14; Luka 21:10, 11; Kibafumbwilwe 6:1-8.

•   Bantu abekala dingi abakimbi penda buwa buabo. Kileshesho, abekala na “kifulo kia makuta,” “bakutue lutumbu,” na “bashi na kuikanda.”​—2 Timote 3:1-5.

 Bantu bebungi abashinkamisha’shi kubanga mu kipua kia 1914, mianda ikuete kukitshika nka bibaadi Bible mutemukie na’shi nfudiilo tayidi peepi. Bua kuuka mianda ibungi, tala muisambo awamba’shi: “Que révèle la chronologie de la Bible sur l’année 1914?” na “Quel est le signe des “derniers jours?”

 Mu kina Greke kia ku kibangilo, kishima kiabadi baalule bu “kibafumbwilwe” akilesha “kufumbula” sunga “kulesha patooka.” Akikambaa kulesha kufumbula muanda kampanda ubaadi ufuame. Bible akula dingi pabitale ‘kuemweneka kua Mfumu Yesu’ akukakitshika apakeelesha Yesu bu muntu sha bukome bua kukasha mianda yoso ibubi pa nsenga na kufuta baaba abalanguila Efile Mukulu.​—2 Bena-Tesalonika 1:6, 7; 1 Mpyeele 1:7, 13.

 Eshina dia mukanda wa nfudilo wa mu Bible nyi Kibafumbwilwe (sunga A·po·kaʹly·psis) muanda aulesha mianda ayikakitshika mu mafuku e kumpala. (Kibafumbwilwe 1:1) Wawa mukanda wi na mukandu wibuwa awitupa lukulupilo. (Kibafumbwilwe 1:3) Aulesha’shi Efile Mukulu akakatusha mianda yoso ibubi, na kualula nsenga ishima bu Mpaladiso. Mu kiakia kipungo, bantu tabakekala na mitanyo, kukumba, sunga kufua.​—Kibafumbwilwe 21:3, 4.

 Okumina kulonga bi bungi pabitale ino milayilo ibuwa ya mu Bible su? Ba Temue ba Yehowa abalongaa na bantu Bible buntu, na kuakua kulonga nkulombene nkukuasha ngofu. We kuibakimba bua’shi nubangie kulonga nabo