SHALAYI BAPASUKIE!

Kipuilo na ngoshi ya mu Ukraine—Bible akula kinyi?

TEEMESHA MU

Tala ino mianda pabitale bakata ba bipuilo bende nkumona na ngoshi ya mu Ukraine:

“Kirill, mukata a kipuilo kia ba Orthodoxe kia mu Russie ta mmuakule muanda su ngumune bua kutopeka bikuete kukita Russie nya. . . . Kipuilo kiaye kikuete kutungunuka na kupalakasha mianda ya madimi pabitale Ukraine, na Poutine kuete kuata ino mianda bua kuibingisha nayo pabitale ngoshi.”—EUobserver, 7/03/2022.
“Mukata a kipuilo Kirill . . . kuete kubingisha ngofu bikuete Russie kutuuka Ukraine ngoshi—alesha’shi ino ngoshi nyi ngumune wa ku mishindo ya kupudisha muluisho.”—AP News, 8/03/2022.
“Mu dimune, mukata a kipuilo kia ba Orthodoxe kia mu Ukraine abetamina bu Epiphanius I a mu Kyiv, ayikalanga muelele bantu muabi buabadia ‘kulua na bena Russie bebatukie ngoshi . . . [Aye] akuile dingi’shi kuipaa baasalayi ba bena Russie ta mmuluisho nya.”—Jerusalem Post, 16/03/2022.
“Atue [bakata ba bipuilo bia mu Ukraine na ndumbuluilo ya bipuilo (UCCRO)] atukuatshishena bisaka bia basalayi ba mu Ukraine, na bantu booso abalu bua kukaluila eumbo dietu. Atuibelela muabi bua bioso biabakuete kukita bua kukaluila Ukraine na tukuete kuibatuula mu nteko yetu.”—Mayi a UCCRO a a muifuku dia, 24/02/2022.

Opuandikisha naminyi? Abitungu’shi bipuilo abiamba bu abilondo Yesu Kidishitu bitakule bantu babio bua kuenda mu ngoshi su? Bible akula kinyi?

Mianda ya kala ayilesha bituelakane bipuilo mu ngoshi

Mianda ya kala ayilesha’shi bipuilo, abiakulaa’shi kuenda mu ngoshi ta mmuanda wibubi nya, bibuwa kuenda mu ngoshi, mpa na’shi mmuanda wina muulo, sunga kukuatshishena ngoshi bua kulesha’shi bi na lukalo lua kutuesha butaale. Munda mua bipua makumi, ba Temue ba Yehowa mbaleshe bantu buabadia kutundula’shi, buabua nyi mbu nsesa. Banda kutala bingi bileshesho bi mu mikanda yetu.

Muisambo awamba’shi “Les croisades: une ‘illusion tragique’” aulesha’shi kipuilo kia Katolike kia mu Loma kibaadi kipayishe bantu bebungi muishina di’Efile Mukulu na dia Kidishitu.
Muisambo awamba’shi “L’Église catholique en Afrique” aulesha bikambilue kipuilo kuimika ngoshi ya bisamba, mpa na kabutu ka bisamba.
Miisambo ayamba’shi “La religion est-elle responsable?” “Le rôle de la religion dans les guerres”, na “La religion prend parti”, ayipatuula mushindo wi bakata ba bipuilo ba Katolike, Orthodoxe, na ba kipuilo kia Mishonyi bakuatshishene ngoshi mpese yoso ibidi mu ngoshi ibungi.

Abitungu’shi bena Kidishitu bakuatshishene ngoshi ?

Yesu baadi mulongieshe’shi: “Nufule ben’enú kifulo bu byanudi befule anwe ba nabêne.” (Mateo 22:39) “Fulai baba abenushikwa.”—Mateo 5:44-47.

Banda kuela binangu: Kipuilo nkilombene kuamba’shi akikokiela mayi a Yesu pabitale kifulo, kadi akitakula bantu abatuele muanka bua kuipaa bangi mu ngoshi? bua kupeta lualulo, badika miisambo ayamba’shi “Les vrais chrétiens et la guerre” na “Est-il possible d’aimer ses ennemis?”

Yesu bakuile bino: “Bufumu bwande ta mbwa pano pa nsenga, ooo. Su bufumu bwande bubadya kwikala bwa pano pa nsenga, bantu bande abadya kundwila ngoshi kupela tala natûlwa mu mâsa mwa bakata ba bena Yunda.” (Yowano 18:36, EEM) “Baba boso abatombola lupete lwa ngoshi abakafu ku lupete!”—Mateo 26:47-52.

Banda kuela binangu: Su bena Kidishitu tababaadi balombene kulua bua kukaluila Yesu, mbalombene kulua bua kangi kabingilo? Badika muisambo awamba’shi “Peut-on concilier guerre et christianisme?” bua kumona mushindo ubaadi bena Kidishitu ba kumpala balonde kileshesho kia Yesu na kutumikila malongiesha aaye.

Nkinyi akikakitshikila bipuilo abikuatshishena ngoshi?

Bible alongiesha’shi Efile Mukulu t’akumiinaa bipuilo abiamba’shi abiakuila Yesu kadi bish’abilondo malongiesha aaye.—Mateo 7:21-23; Tite 1:16.

Mukanda wa Kibafumbwile aulesha’shi Efile Mukulu amonaa bino bipuilo bu bipayishe “baba boso abaipailwe pa nsenga.” (Kibafumbwilwe 18:21, 24, EEM) Bua kuuka’shi mbuakinyi, badika muisambo wamba’shi “Qu’est-ce que Babylone la Grande?”
Yesu baadi muleshe’shi bipuilo bioso biabashi bakumiine kui Efile Mukulu, abakebibutula bua midimo yabio ibubi, anka bu biabakitaa na mutshi wibubi aupa bikuba bibubi “autshibwâ, wedibwa mu kâlo” (Mateo 7:15-20, EEM) Badika Muisambo awamba’shi “La fin de la fausse religion est proche !” bua kuuka abikakitshika ino mianda.

Ba Temue ba Yehowa mbelekene

Mu Russie na mu Ukraine, anka bu mu angi maumbo e pa Nsenga, ba Temue ba Yehowa, abakokielaa mayi a Yesu a kupela kutuela mu mianda ya politike na mu ngoshi. Nyi buakinyi t’atutuelakana sunga kukuatshishena ngoshi. Pa muanda wa kitshibilo kietu kia kushaala balamate ku abiamba Bible, bangi ba Temue bakuete kuibabingabinga. (Yowano 15:19, 20; 2 Timote 3:12) Bu kileshesho, mbulamatadi a mu Russie muele ba Temue bebungi mu lukano, na kukiengiesha bangi. Na dingi, ma mbalo etu a lulanguilo mbeanyengie. Bua kuuka mianda ibungi, tuela mu www.jw-russia.org.

Tala video a minite inanka amba’shi Les Témoins de Jéhovah d’Irkoutsk restent fidèles malgré des perquisitions brutales bua kumona mushindo wa bakuete kukiengisha ba Temue ba Yehowa ba mu Russie pa muanda wa lukumiino luabo.
Kubanga kala, ba Temue mbaukibue bua kupela kuabo kua kutuelakana mu mianda ya politike. Tala video amba’shi Abaadi banyingile mu bitompuanga bua kumona mushindo ubaabadi bapele kutuelakana mu mianda ya politike sunga bibabaadi bebakiengieshe ngofu kui bena Nazi ba mu Allemagne, mu Union Soviétique a kala.

Atukutekie bua kutuela mu site eetu bua kulonga bibungi pabitale lukumiino luetu, mpa na mulayilo wa mu Bible aulesha’shi mu mafuku aafiki, takuikala dingi ngoshi. (Yeeshaya 2:4; Yeelemiya 29:11) Etufundile bua kuuka mianda ibungi.

Akufiki ma foto, kukatuka ku mboko ibakashi kuenda ku ibalume: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images

a Mu UCCRO, sunga’shi bakata ba bipuilo bia mu Ukraine na ndumbuluilo ya bipuilo, mui bipuilo 15 bia ba Orthodoxe, bia Katolike ka bena Greke na bena Loma, bia bena Mishonyi na bipuilo bia bena Yuda na bia ba Mizilma.