Mu mueshi wa Musambobidi 2022, mbaleshe’shi kui kibobo kikile bukopo mu nsenga ishima:

•   “Bua musango wa kabidi mu uno mueshi, bakata ba mbulamatadi ba mu Chine mbadimushe bantu’shi akuikala kibobo kikile bukopo mu bibundi bifikie ku 70, kilombene kufuisha masaku.”​—25/7/2022, CNN Wire Service.

•   “Bu bikale’shi kui kibobo kikile bukopo biakishekeele dingi mu Europe, mitamba ikuete kupia kaalo mu bibundi bibungi.”​—17/7/2022, The Guardian.

•   “Mu dia lubingo mu bibundi bibungi bia mu États-Unis, kuikele kibobo kikile bukopo biabishekeele dingi ungi musango, na kiakia kibobo nkipalakane mu ma mbalo oso a kibundi.”​—24/7/2022, The New York Times.

 Bino bioso abilesha kinyi? Dingi efuku abikekala bukopo bua bantu kushala pa nsenga su? Bible akula kinyi?

 Olo. Kibobo kikile ki mu nsenga ishima akipushena na mianda ibaadi Bible mupue kutemuka bua ano mafuku eetu. Bu kileshesho, Yesu bakuile’shi atukamono “bintu bia kutshina.” (Luka 21:11) Kumona mushindo aukaamina kibobo kikile mu nsenga ishima, akutakula bantu bebungi mu kutshina’shi nsenga ngilombene kuluishibua.

 Nya. Efile Mukulu pabangile nsenga bua’shi bantu bepashale bua looso. (Misambo 115:16; Mulungudi 1:4) Pamutue pa kutadila bantu buabadia kuluisha nsenga, Efile Mukulu mmulee “bwa kwipaa baaba abalwisha nsenga.”​—Kibafumbwilwe 11:18, Kilombeno kipya 2014.

 Banda kutala penda matemuki abidi aalesha ingi mianda yabadi balee kui Efile Mukulu:

•   ‘Kabaaka na nsenga yuume abikeekala na muloo, mapya aakasangala na aakamene bilongo.’ (Yeeshaya 35:1) Efile Mukulu takalekiela’shi nsenga ifikie bu kabaaka, mbalo ishi bia kushadiibua, anka, akalumbuula ma mbalo oso abadi baluishe mu nsenga.

•   “Obamba nsenga, weyimenesha bintu bikile bibungi na kuiyikasha na bupeta.” (Misambo 65:9, NWT) Efile Mukulu akaluula nsenga ishima bua’shi ifikie mpaladiso.

 Bua kulonga bibungi pabitale mushindo wi kushintuluka kua clima akulombasha matemuki a mu Bible, badika muisambo awamba’shi: “Kushintuluka kua clima na nshalelo eetu a mafuku e kumpala​—Bible akula kinyi?.”

 Bua kulonga bibungi pabitale mulayilo wa mu Bible wa’shi akukekala nsenga ibuwa, badika muisambo awamba’shi “Nanyi akapaasha nsenga?”