Mu nakashika buese muifuku dia 24/02/2022, sunga bikeele ba nfumu ba maumbo ebungi batompe bia’shi ngoshi tayikalanga kuanka, Russie mmutuele na basalayi bua kuluisha Ukraine. Ino ngoshi ya basalayi ngilombene kufuisha nkalakashi kinyi mu nsenga? António Guterres, sécrétaire général a ONU amba’shi: “Ino ngoshi ayifuisha masaku ebungi. Ayifuishila bantu makienga, ayiluisha mianda ibungi mu Europe mpa na kufukama mu nsenga ishima.”

•   Yesu baadi mutemukie’shi “mwilo aukatombokyela ungi mwilo, ba bufumu bungi, bungi bufumu.” (Mateo 24:7) Badika muisambo awamba’shi: “Quel est le signe des “derniers jours,” ou “temps de la fin”? bua kuuka abipatuula Bible’shi ngoshi yatukuete kumona ayilombasha butemuki bua Yesu.

•   Mukanda wa Kibafumbwilwe wi mu Bible, aulesha ngoshi bu muntu mushaale ku kabalo “kamoongye” na kuete kukatusha “kufukama pa nsenga.” (Kibafumbwilwe 6:4) Bua kuuka mushindo wi buno butemuki mbutale ano mafuku eetu, badika muisambo awamba’shi: “Bantu bananka bakaamine pa nfwalasa​—mbantu kinyi?”

•   Mukanda wa Ndanyele ubaadi utemukie ngoshi ayikala pankatshi pa “nfumu a kunundu” na “nfumu a kuushi.” (Ndanyele 11:25-45) Tala video amba’shi Kukumbana kua butemuki​—Ndanyele shapitre 11 bua kulonga mushindo wikale Russie na be ku lupese luaye mbekale nfumu a kunundu. a

•   Mukanda wa Kibafumbwilwe awakula dingi pabitale “ngoshi y’efuku dikata di’Efile Mukulu Sha bukome booso.” (Kibafumbwilwe 16:14, 16) Anka, ino nta ngoshi ya maumbo bu ino yatukuete kumona lelo uno nya. Bua kuuka bibungi pabitale uno muanda aukakitshika mu mafuku ekumpala, badika muisambo awamba’shi: “Qu’est-ce que la bataille d’Armaguédon?”

•   Bible amba’shi Efile Mukulu ‘akafudiisha ngoshi pa nsenga ishima.’ (Misambo 46:9) Bua kuuka mianda ibungi pabitale mafuku aafiki abadi balee kui Efile Mukulu, badika muisambo awamba’shi: “Lukulupilo lua binyibinyi bua nshalelo ebuwa mu mafuku e kumpala.”

•   Yesu baadi mulongieshe balongi baaye buabadia kuteka’shi Bufumu bu’Efile Mukulu bufikie. (Mateo 6:9, 10) Buno Bufumu nyi mbulamatadi a muiyilu akalombasha akikiebe eshimba di’Efile Mukulu mu kikiebe ki’eshimba diaye mui butaale pa nsenga. Bua kulonga bukuashi bokapete mu buabua Bufumu, tala video amba’shi: Bufumu bw’Efile Mukulu nkinyi?

 Mu Ukraine mui ba Temue ba Yehowa 129 000. Anka bi ba Temue ba mu angi maumbo, bakuete kuambula Yesu pa kupela kutuelakana mu mianda ya politike, na kupela kuenda mu ngoshi. (Yowano 18:36) Mu nsenga ishima, ba Temue ba Yehowa bakuete kutungunuka na kulungula “mukandu wibuwa wa Bufumu” abapatuluuila bantu’shi buno Bufumu nyi abukapudisha nkalakashi yoso ikuete kupeta bantu, mpa na ngoshi. (Mateo 24:14) Su okumina kulonga bibungi pabitale mukandu wa lukulupilo wi mu Bible we mulombene kuituitamina.