Efile Mukulu akyebe shi twikale na muwa wa looso mu butaale na muloo mu mpaladiiso pa nsenga!

Kadi, we mukumbeene kwiyipusha shi: ‘Byabya mbikumbeene kukitshika naminyi?’ Bible amba shi Bufumu bw’Efile Mukulu abukebikitshi, na dingi Efile Mukulu akyebe shi bantu booso balongye myanda itale bwabwa Bufumu na mpango yaye bwa bantu.​—Misambo 37:11, 29; Yeeshaya 9:7.

Efile Mukulu akyebe shi twikale bibuwa.

Nka bu nshe-bana akuminaa shi bana baye bekale bibuwa, Nshetu e mwiyilu akyebe shi twikale na muloo wa looso. (Yeeshaya 48:17, 18) Mulee shi yawa “akitshi akikyebe Efile Mukulu akekala na muuwa bwa looso.”​—1 Yowano 2:17.

Efile Mukulu akyebe shi tutambukye mu mashinda aaye.

Bible amba shi Mupangi etu akyebe ‘kwitulesha mashinda aaye’ bwashi tumone mushindo wa ‘kutambukila mu mashinda aaye.’ (Yeeshaya 2:2, 3) Mulumbuule “mwilo bwa eshina dyaye” bwashi uwukishe akikyebe eshimba dyaye mu nsenga ishima.​—Bikitshino 15:14, Kilombeno kipya.

Efile Mukulu akyebe shi tumulangwile mu buumune.

Pamutwe pa kwabuula bantu, lulangwilo lwa binyibinyi lwa Yehowa lukwete kubunga bantu mu kifulo kya binyibinyi. (Yowano 13:35) Mbantu kinyi be mbalo yooso bakwete kulongyesha balume na bakashi mushindo wa kufubila Efile Mukulu mu buumune? Uno broshire mukumbeene nkukwasha bwa kwibauka.