KIPINDJI 2
Kulungula kwa mukandu wa Bufumu—Kupalakasha kwa mukandu wibuwa pa nsenga ishima
BWELUMBUULA bwa kwenda mu kulungula mukandu wibuwa ku nakashika mwifuku dyoshi mwende ku mudimo. Eshimba dibabanda kupela, bobanga kupusha bu’be mukookye. Bomono shi pangi bibuwa oyikishe kwakwa ku nakashika. Bwele luteko pabitale uno mwanda akupu bwata kitshibilo kya kwenda. Bolungula mukandu wibuwa na mukwetu mukashi mununu, na dingi, katshintshi na kalolo kaaye kabakukumu kwishimba ngofu. Pokwete kulungula mukandu wa binyibinyi ku nshibo na nshibo, botentekyesha shi bangi bakwenu balume na bakashi bakwete kulungula uno mukandu umune mu nsenga ishima, abatumika na ino mikanda imune, na mbapete malongyesha amune bwa kukita uno mudimo kalolo. Pobwalukiila ku nshibo, bopusha mbidi ibakunyingi. We na muloo bu byoshi mushaale ku nshibo bisumanga!
Lelo uno, mudimo wa bulungudi nyi mudimo ukile bukata wa Bufumu bw’Efile Mukulu. Yesu baadi mutemukye shi mudimo wa bulungudi aukatama ngofu mu mafuku a ku nfudiilo. (Mat. 24:14) Mushindo kinyi ukwete kulombana buno butemuki bwaaye? Mu kino kipindji, atukyebe kwisamba pabitale bantu, mishindo, na bintu bi na muulo mu mudimo wa bulungudi, ukwete kukwasha midiyo ya bantu bwa kumona shi Bufumu bw’Efile Mukulu mbw’eyendo.
MU KINO KIPINDJI
SHAPITRE 6
Bantu abalungula mukandu wibuwa—Balungudi abepaana abo banabeene
Bwakinyi Yesu baadi mukulupile shi mulombeene kwikala na bantu bepaane abo banabeene kwadi bwa kukwasha mu uno mudimo mu mafuku a ku nfudiilo? Na mushindo kinyi oodi mulombeene kulesha shi okwete kukimba bufumu kumpala?
SHAPITRE 7
Mishindo ya kulungula mukandu wibuwa—Kufuba na bintu bya mishindo ilekeene bwashi bantu bapushe mukandu wibuwa
Mishindo ya kulungula mukandu wibuwa—kufuba na bintu bya mishindo ilekeene bwashi bantu bapushe mukandu wibuwa.
SHAPITRE 8
Bintu bya kulungula nabyo mukandu wibuwa—Kutuusha mikanda ya kwabila mu nsenga ishima
Mushindo kinyi wi mudimo wetu wa kwalula mikanda aulesha shi tukwete kukwatshishena Yesu? Myanda kinyi ikata pabitale mikanda yetu ayikushinkamisha shi Bufumu mbw’eyendo?
SHAPITRE 9
Bipeta bya ku mudimo wa bulungudi—‘Mafuba abaapu kumonga bwa kuumbula’
Yesu baadi mupwandjikishe mudimo wa kubunga bantu bwa muuwa na mudimo wa kuumbula. Myanda kinyi ya muloo ikwete kukitshika mu mafuku a kuumbula kukata kukwete kukitshika mu ano mafuku ooso?
