APANDISE A
Bia binyibinyi biatudi bafule kulongiesha
Yesu bambile’shi bantu ba sha mashimba alulame abakatundula bia binyibinyi p’abebipusha. (Yo. 10:4, 27) Biabia, nsaa yoso y’atuisamba na bantu, tuibalungule bia binyibinyi bipelepele bia mu Bible. Tompa kuisambila bia binyibinyi pa kuipusha’shi: “Ouku’shi . . . ?” sunga “Tobopushishe’shi . . . ?” Akupu, fubisha kifundue kipushene bua kupushisha biabia bia binyibinyi. Penda’nka kulungula muntu bia binyibinyi bipelepeple bia mu Bible, nkulombene kuikala bu kukuna lutete lua bia binyibinyi muishimba diaye, na Efile Mukulu e kukusha lualua lutete!—1 Ko. 3:6, 7.
BUA MAFUKU AAFIKI
-
1. Mianda ikuete kukitshika na muikelo wa bantu, abilesha’shi mianda ayishintuluka binobino.—Mat. 24:3, 7, 8; Luk. 21:10, 11; 2 Ti. 3:1-5.
-
2. Nsenga t’ayikabutudibua. —Mis. 104:5; Mul. 1:4.
-
3. Kuluisha kua nsenga akukapu, na ayikaluka mpaladiso.—Yesh. 35:1, 2; Kbf. 11:18.
-
4. Muntu oso akekala na mbidi ipuidikie.—Yesh. 33:24; 35:5, 6.
-
5. Okashala bua loso pa nsenga.—Mis. 37:29; Mat. 5:5.
KIFUKO
-
6. Abitungu mulume “afule mukashi aaye bu biadi muifule aye nabene”—Ef. 5:33; Kol. 3:19.
-
7. Abitungu mukashi ekale na kanemo kakata kui mulume aaye.—Ef. 5:33; Kol. 3:18.
-
8. Abitungu mulume na mukashi bekale na lulamato kui oso a kuabadi.—Mal. 2:16; Mat. 19:4-6, 9; Eb. 13:4.
-
9. Bana abakokiela na kunemeka baledi babo, abobesha mu nshalelo.—Nki. 1:8, 9; Ef. 6:1-3.
EFILE MUKULU
-
10. Eshina di’Efile Mukulu. —Mis. 83:18; Yel. 10:10.
-
11. Efile Mukulu mmuitupe mukandu wi na muulo. —2 Ti. 3:16, 17; 2 Mp. 1:20, 21.
-
12. Efile Mukulu te na ntondo. —Miy. 10:17; Bik. 10:34, 35.
-
13. Efile Mukulu akumiina kuitukuasha.—Mis. 46:1; 145:18, 19.
LUTEKO
-
14. Efile Mukulu akumiina’shi tumutekie.—Mis. 62:8; 65:2; 1 Mp. 5:7.
-
15. Bible etulongiesha munshindo watudia kuteka.—Mat. 6:7-13; Luk. 11:1-4.
-
16. Abitungu tutekie kushi kukooka.—Mat. 7:7, 8; 1 Te. 5:17.
YESU
-
17. Yesu baadi mulongieshi mukata, na malango aye akia akuasha mpa na lelo.—Mat. 6:14, 15, 34; 7:12.
-
18. Yesu baadi mutemukie mianda yatukuete kumona lelo uno.—Mat. 24:3, 7, 8, 14; Luk. 21:10, 11.
-
19. Yesu mmuana a Efile Mukulu.—Mat. 16:16; Yo. 3:16; 1 Yo. 4:15.
-
20. Yesu ta Efile Mukulu sha bukome boso.—Yo. 14:28; 1 Ko. 11:3.
BUFUMU BU’EFILE MUKULU
-
21. Bufumu bu’Efile Mukulu nyi mbulamatadi e kuanka muiyilu.—Nda. 2:44; 7:13, 14; Mat. 6:9, 10; Kbf. 11:15.
-
22. Bufumu bu’Efile Mukulu abukapiana mbulamatadi ya bantu.—Mis. 2:7-9; Nda. 2:44.
-
23. Nka penda Bufumu bu’Efile Mukulu nyi abupu nkalakashi ya bantu.—Mis. 37:10, 11; 46:9; Yesh. 65:21-23.
MAKIENGA
-
24. Efile Mukulu ta naye nsulo ya makienga.—Miy. 32:4; Yak. 1:13.
-
25. Satana naye kuete kukunkusha ino nsenga.—Luk. 4:5, 6; 1 Yo. 5:19.
-
26. Efile Mukulu kuete kumona makienga oobe, na akumiina nkukuasha.—Mis. 34:17-19; Yesh. 41:10, 13.
-
27. Efile Mukulu apudisha makienga binobino.—Yesh. 65:17; Kbf. 21:3, 4.
LUFU
-
28. Bafue t’abauku kintu; t’abakiengaa.—Mul. 9:5; Yo. 11:11-14.
-
29. Bafue ta be kuitukuasha sunga kuitukitshina bi bubi.—Mis. 146:4; Mul. 9:6, 10.
-
30. Bakuetu batudi bafule bapue kufua, abakasanguka.—Yob. 14:13-15; Yo. 5:28, 29; Bik. 24:15.
-
31. “Lufu t’alukekala kuanka dingi.”—Kbf. 21:3, 4; Yesh. 25:8.
KIPUILO
-
32. Ta bipuilo bioso abisankishaa Efile Mukulu.—Yel. 7:11; Mat. 7:13, 14, 21-23.
-
33. Efile Mukulu mushikue bu nsesa.—Yesh. 29:13; Mik. 3:11; Mak. 7:6-8.
-
34. Abatundula kipuilo kia binyibinyi ku kifulo.—Mik. 4:3; Yo. 13:34, 35.