Ikasha Bantu Bu Balongi
DILONGIESHA 11
Longiesha mu mushindo upeelepeele
Eyi dia kulonda: “[Akula] bishima abipushika kalolo.” —1 Ko. 14:9.
Kibaadi Yesu mukite
1. Tala VIDEO, sunga kubadika Mateo 6:25-27. Akupu waluule ino nkonko:
Nkinyi ki’atulongiela kui Yesu?
2. P’atulongiesha mu mushindo upeeleepele, bantu abatentekiesha bibatuibalongiesha na abikumu mashimba aabo.
Ambula Yesu
3. Tokambanga kuakula bibungi. Pamutue pa kuakula mianda yoso y’ouku pabitale muanda w’anulongo, imeena naye penda pa yaya i mu mukanda. Kunyima kua kumuela lukonko, tengiela na luishinko loso bua’shi akualuule. Su t’auku lualuulo, sunga’shi bakula kintu ki’shi kipushene na abilongiesha Bible, fubisha ingi nkonko ayimukuasha bua kunangushena pa wawa muanda. Su mulongi oobe bapu kupusha muanda wi na muulo w’abakuila, kilayi ku ungi muanda.
4. Kuasha mulongi oobe buadia kupusha bipushene mianda ipia yalongo, na mianda yadi mupue kulonga. Bu kileshesho, kumpala kua kubanga dilongiesha adiakuila muanda wa lusangukilo, we kuakula mu kikoso bitabipuile mulongi kulonga pabitale akikitshikaa apafu muntu.
5. Fubisha bileshesho kalolo. Kumpala kua kufubisha kileshesho eyipusheshi: