Malongyesha odya kupeta mu Bible
Uno mukanda aukutwala mu myanda ya kala, kubanga ku myanda ya mu Bible pabitale bupangi, kubanga ku kutandjikwa na mudimo wa Yesu na pabitale kufika kwa Bufumu.
Mukanda wa Kasaka ka Bakunkushi bakulu
We kufubisha uno mukanda naminyi?
Efile Mukulu bapanga eyilu na nsenga
Bible aakula shi Efile Mukulu bapanga eyilu na nsenga. Kadi ouku mwikeyilu abangile kumpala kwa kupanga muntu na bintu byoso?
Efile Mukulu bapanga mulume na mukashi ba kumpala
Efile Mukulu bapangile mulume na mukashi ba kumpala ebatuula mwifuba dya Edene. Baadi akumiina shi betandeene na kwikasha nsenga yooso mpaladiso.
Adame na Eeva abatombokyela Efile Mukulu
Mutshi umune ubaadi mu lupango lwa Edene ubaadi wilekeene na ingi ku kinyi? Bwakinyi Eeve badiile kikuba kyao?
Nsungu ibatakula muntu mu kwipayishena
Efile Mukulu baadi mukumine mulambu wa Abele aapela wa Kaayine. Pabamwene Kaayine byabya, bafiitshile munda bikata aye nkukita kibeshi.
Bwato bwa Nowa
Bamikeeyilu batombokye pababaadi beebakile bakashi pa nsenga, abatandjile bana babaadi bipambe. Buntomboshi bubabangile mbalo yoso. Anka Nowa baadi mwilekeene nabo—baadi mufule na kukookyeka Efile Mukulu.
Kupanda kwa bantu mwanda mu nsenga ipya
Mpeshi banokyele munda mwa mafuku 40 bufuku na kaanya. Nowa na kifuko kyaye abaadi mu bwato munda mwa kipwa na mafuku. Nfundiilo a byoso Efile Mukulu babalungwile bwa kwimutuuka.
Musungo wa Babele
Bantu abakimbile kwibaka lupata lwi na kaleya kee na nsongo aikumu eyilu. Bwakinyi Efile Mukulu baadi mufuutakashe ndjimi yaabo?
Abrahame na sara abakokyela Efile Mukulu
Bwakinyi Abrahame na Sara abakatukile mu kibundji kyabo bwa kwenda na kutentuluka mu nsenga ya Kaanana?
Mwana a ku bununu!
Yehowa baadya kukumbasha mulayilo ubalayile Abrahame naminyi? Mmwana kinyi a Abrahame baadya kwiulombasha, Isaake su Ismaele?
Tentekyesha mukashi a Loota
Efile Mukulu banokyeshe mpeshi a kaalo na sufule mu Sodome na Gomore. Bwakinyi bino bibundji byoso bibaadi bibutulwe? Bwakinyi twi balombeene kutentekyesha mukashi a Loota?
Kutompibwa kwa lukumiino
Efile Mukulu balungwile Abrahame shi: ‘Ata mwana oobe mulume umune eeleka, omundambule bu mulambu wa kushiikwa pa mwengye wa Mooriya.’ Kubaadi kutompiibwa kwa lukumiino lwa Abrahame na Isaake?
Yakobo bapete bupyanyi
Isaake na Rebeka abatandjile mpasa. Esau baadi mukulu nyi baadya kwikala na matalwa a bukulu, baadi mu mulongo wa kupeta bupyanyi bwi pabwabo. Bwakinyi bamupeele elonga dya bintu bimongolokye?
Kwipusheena kwa Yakobo na Esau
Yakobo bapetele mwabi kwi mwikeyilu naminyi? Na nkipaso kinyi kibaadi mukite kipwano na Esau?
Mpika baadi mukookyele Efile Mukulu
Yoosefe tabakitshiine mwanda wibubi nya, anka bakyengele bikata. Bwakinyi?
Yehowa tabaadi mwilwankane Yoosefe
Sunga byekala shi Yosefe baadi kula na kifuko kyaye, Efile Mukulu baadi naaye.
Yoobo baadi muntu e naminyi?
Baadi mukookyele Yehowa sunga mu kipungo kibukopo.
Moyiise basangula kulangwila Yehowa
Pabaadi mwana tooka, Moyiise badi mufwamishibwe mu mayele akata.
Ebuula aditembe
Bwakinyi kaalo takabaadi akapiisha ebula?
Bipupa bisatu bya kumpala
Faraone baadi mufwishile mwilo waye mpombo mwanda wa kwitatula bwa kwata penda kitshibilo kishii bukupo.
Bingi bipupa bisamombo
Bino bipupa bibaadi bilekeene na bisatu bya kumpala ku kinyi?
Kipupa ky’Ekumi
Kino kipupa kibaadi kya malwa bibaadi mpa na Faraone sha kwitatula mukumiine bukome bwa Yehowa.
Kilengyeleshi pa Kalunga kamonga
Faraone banyingile eshimba ku bipupa ekumi, bapandjile ku kilengyeleshi ky’Efile Mukulu su?
Mulayilo kwi Yehowa
Beena Isaleele abakitshiine mulayilo wi pabwao kwi Yehowa pababadi ku mwengye wa Sinaayi.
Abakutwa kulombasha mulayilo wabo
Pabaadi Moyiise mwende mu kwata Miiya Ekumi, mwilo ubashadile kukita mulwisho ukata.
Tabernakele bwa kulangwila
Ino nshobo y’epema ibaadi na musheto wa kilombeeno.
Ba mpuupa ekumi na babidi
Yooshwa na Kalebe abaadi belekeene na ba mpuupa ekumi abayile mu ku puupa nsenga ya Kanaana.
Abaadi batombokyele Yehowa
Kora, Datane, Abirame na bangi bantu 250 abakutshilwe kulombasha mwanda ukata kwi Yehowa.
Mpunda a Balame aakula
Mpunda bamwene muntu shibaadi amweneka kwi Balame.
Yehowa basangula Yooshwa bu nfumu
Efile Mukulu baadi mupe Yooshwa buludiki bulombeene kwitukwasha natwe namu leelo.
Rahabe afwamisha ba mpuupa
Midimba ya Yeeriko ibapono. Kadi nshibo ya Rahabe ibashala imane sunga byekala shi ibaadi munda mwa midimba ya Yeeriko.
Yooshwa na beena Gabaone
Yooshwa batekyele kwi Efile Mukulu shi: “Nguba, ayimane mbalo imune!” Efile Mukulu baadi mumwaluule su?
Mukunkushi mupya na bana bakashi babidi be na kishima
Kunyima kwa lufu lwa Yooshwa, beena Isaleele ababangile kulangwila mankishi. Nshaleelo abo bafikile bukokopo, kadi bukwashi bubafikile kwi nsushi Barake, mutemuki mukashi Debora na Yaele na kiluu kyaye!
Luuta na Naomi
Bakashi babidi babafwishishe balume baabo abalukiila mu Isaleele. Luuta umune a kwabadi bayile mu kufuba mwifuba, abo nkumumona kwi Boaze.
Gideone batshokola beena Madyane
Kunyima kwa beena Madyane kukyengyesha beena Isaleele, mwilo ubatekyele bukwashi kwi Yehowa. Nkipaso kinyi kibaadi basalayi bapeela ba Gideone batshokole beshikwanyi nabo babaadi 135000?
Aana batekyele bwa kupeta mwana
Elkana baata Aana, Penina na bana bwa kwenda mu kulangwila ku tabernakele mu Shilo. Kwakwa, Aana batekyele bwa kupeta mwana. Kunyima kwa kipwa,baadi mutande Samwele!
Mulayilo wa Yefetee
Mmulayilo kinyi ubaadi Yefetee mukite na bwakinyi? Nsongwakashi a Yefetee bakitshiine kinyi bwa mulayilo wa nsaheye?
Yehowa esamba na Samwele
Tshiite mwakwidi mukata e pa nundu Eliya na bana baye balume babidi abaadi abafubu bu ba tshiite mwikwidi ku tabernakele, anka tababaadi abakookyela miiya ya Yehowa nya. Samwele baadi mwilekeene nabo na Yehowa nkwisamba naye.
Yehowa bapeele Samesone bukome
Efile Mukulu bayikeeshe Samesone na bukome bwa kulwa na beena Filistine, kadi pabaatshile Samesone kitshibilo kibubi, beena Filistine abamukwashile.
Nfumu a kumpala a beena Isaleele
Yehowa bapeele beena Isaleele ba nsushi bwa kwibakunkusha, anka, abaadi abakimbi nfumu. Samwele bapongolwele Saule mwimu ku mutwe bu Nfumu a kumpala, kadi kunyima Yehowa baadi musumbushene Saule. Bwakinyi
Daavide na Golyate
Yehowa basangwile Daavide bwadya kwikala nfumu a kabidi a mu Isaleele, na Daavide nkuleesha bwakinyi baadi mulombanyine.
Daavide na Saule
Bwakinyi umune a ku bano bantu baadi mushikwe mwinaaye? Nkinyi kibakitshiine uno abaabadi bashikwe?
Katshintshi na lulamato lwa Yonatane
Mwana a nfumu bafikile kuuku e buwa a Daavide.
Mulwisho wa Nfumu Daavide
Kitshibilo kibubi kibafwishisha makyenga ebungi.
Ntempelo a Yehowa
Efile Mukulu baadi mukumiine luteko lwa Nfumu Salomone, aye nkumupa kineemo kikata.
Bufumu bubeabuula
Beena Isaleele bebungi abalekyele kufubila Yehowa.
Kutompibwa ku Mwengye wa Karmele
Efile Mukulu a binyibinyi nnanyi? Yehowa nyi su Baale?
Yehowa akankamika Eliya
Ouku shi e nkukankamika namu noobe?
Mwana a mukashi kilele basanguka
Bilengyeleshi bibidi mu nshibo imune!
Nfumu mukashi e bubi banyokiibwa
Yezabele batshile mpàngo ya kwipaa mwina Isaleele abetanyina bu Nabote penda bwa kwiba efuba dyaye dya nfinyo! Yehowa tabakutshilwe kumona kukutwa kwaye kwa kululama na bubi bwaye nya.
Yehowa akalwila Yosafate
Nfumu e buwa Yosafate bealusha kwi Yehowa mu luteko pabaabadi bakalakashwe na bisamba bya beshikwanyi.
Mukata a basalayi na ka nsongwakashi
Ka nsongwakashi ka mu Isaleele kabalungula mukata aako pabitale bukome bwa Yehowa na bipeta bya kukaanya.
Kilwilo kya Yehowa akitembe kaalo
Mufubi a Elisha bafikikie mu kumona naminyi shi ‘bee neetu mbakile bee nabo bungi.’
Katshintshi ka Yekoyada
Tshiite mwakwidi sha lulamato bapele binangu bya nfumu mukashi e bubi.
Yehowa baadi muleeshe Yoona lwishinko
Nkipaso kinyi kibaadi mutemuki a Efile Mukulu muminyibwe na mushipa ukata? Baadi mwimutuukye naminyi? Ndilongyesha kinyi dibamupeele Yehowa?
Mwikeyilu a Yehowa bakalwila Esekiya
Beshikwanyi ba Yuuda abamba shi Yehowa te bya kukalwila bafubi baaye nya, abaadi abedimbi!
Yosyase baadi mufule Mwiya w’Efile Mukulu
Yosyase bafikile nfumu pabaadi mukumbashe bipwa mwanda, aye nkukwasha mwilo bwa kulangwila Yehowa.
Yehowa batumu Yeelemiya bwadya kulungula mukandu
Bibambile nsongwalume Yeelemiya bibaadi bifitshishe bakulu munda.
Abaabutula Yeelusaleme
Yehowa baadi musumbushene bantu ba mu Yuuda mwanda abaadi batungunukye na kulangwila b’efile ba madimi.
Ba nsongwalume bananka abaadi bakookyele Yehowa
Ba nsongwalume ba mu Yuuda abaadi na kitshibilo kya kushala na lulamato kwi Yehowa sunga byekala shi abaadi mwibalasa dya nfumu mu Babilone.
Bufumu abuyisha ikalayika
Ndanyele apatulwila Nabukodonosore akilesha kilootwa kyaye kyakukanya.
Tababaadi bakuname nya
Shadrake, Meshake na Abede-Nego abaadi batuule muuwa wabo mu masaku pa kupela kukunamina nkishi a oòlo a nfumu.
Bufumu bwi bu mutshi ukata
Kilootwa kya Nabukodonozore kibabadidile kwakula myanda yaaye aikamutukila mu mafuku e kumpala.
Eyasa adifundu ku mudimba
Nsaa kinyi ibaatukile binfundwe ku mudimba, na bibaadi abipatuula kinyi?
Ndanyele mu bwiina bwa ntambwe
Ikala otekye Yehowa efuku dyoso nka bu Ndanyele!
Eshitele bapaasha mwilo waye
Sunga byekala shi baadi mwenyi, aye muntu baadi mwana nshiye bafikile mu kwikala bu ndalamumba.
Eesela baadi mulongyeshe Mwiya w’Efile Mukulu
Kunyima kwa beena Isaleele kutemesha Eesela, abaadi bakite mulayilo wipabwao kwi Efile Mukulu.
Midimba ya Yeelusaleme
Neemiya baukile shi beshikwanyi naaye abaata mpàngo ya kumulwisha. Bwakinyi tabaadi na moo?
Elizabete bapete mwana
Bwakinyi abalungwile mulume a Elizabete shi ashala kamaama mpa na apakatandikilwa mwana?
Gabryele batembela Maadiya
Bamupeele mukandu ubaadi ushintuule nshalelo aaye.
Miikeyilu ayaakula kutandjikwa kwa Yesu
Balami abapusha mukandu abakitshi myanda bukidibukidi.
Yehowa baadi mukalwile Yesu
Yehowa baadi mukalwile Yesu.
Yesu ku bukinga bwaye
Baadi mukaanyishe balongyeshi mu ntempelo naminyi?
Yowano alumbuula eshinda
Yowano bafikile mutemuki pabakudile. Aye nkulongyesha bantu shi Mesiya kwete kufika. Bantu abaadi batambule mukandu waye naminyi?
Yesu baafiki Mesiya
Pabambile shi Yesu mMwan’amukooko a Efile Mukulu, Yowano baadi akyebe kwakula kinyi?
Dyabulu atompo Yesu
Dyabulu batompele Yesu misuusa isatu. Mbitompwanga kinyi bisatu bibapetele Yesu? Yesu bamwalulwile naminyi?
Yesu atoosha ntempelo
Bwakinyi Yesu batushile nyema paasha na kufudidika ma mesa a bashintudi ba makuta?
Mwana mukashi ku mushima wa meemal
Mwana mukashi a mu Samariya baadi mukaanye pabaadi Yesu mwisambe naaye. Bwakinyi? Mmwanda kinyi wabamulungwile kwi Yesu washibaadi mubande kulungula ungi muntu?
Yesu alungula mukandu wa Bufumu
Yesu etanyina bangi ba ku balondji baaye bwabadya kufika ‘balobi ba bantu’. Baadi mulongyeshe bangi balondji baaye 70 kunyima, bwa kulungula mukandu wibuwa.
Yesu akitshi bilengyeleshi bibungi
Mbalo yooso ibaadi ayende Yesu, bantu basha mikumbo abaadi abafiki bwa shi ebakwashe na kwibapaasha. Sunga bakuma penda ku lwembe lwa kilamba kyaye abaadi abapashibwa. Baadi mpa na mubuushe kangi ka nsongwakashi ku luf.
Yesu asangula batumiibwa ekumi na babidi
Bebasangwile bwakinyi? Otentekyesha mashina aabo su?
Mwisambo wa pa Mwengye
Yesu alongyesha kibumbu kya bantu malongyesha e na muulo.
Yesu alongyesha balondji baaye bya kuteka
Mbintu bya mushindo kinyi bibaadi Yesu mulungule balondji baaye bwa ‘kutungunuka na kuteka’?
Yesu adiisha binunu bya bantu
Kino kilengyeleshi akitulesha kinyi pabitale Yesu na Yehowa?
Yesu atambuka kunundu kwa meema
We kubanda kunangushena bibakitshine batumiibwa p’ababadi bamone kino kilengyeleshi su?
Yesu apaasha muntu mwifuku dya Sabato
Bwakinyi bantu booso tababaadi abasangala na bibaadi abikitshi Yesu?
Yesu asangusha Lazaare
Yesu pabamwene Madiya kwete kudila, n’aye namu babangile kudila. Kadi mu kapindji kapeela, kinongwa kyabo kibalulukile mu muloo.
Kidiibwa kya kyolwa kya Yesu
Yesu apa batumiibwa baye malongyesha e na muulo nsaa yabakwete kudya kidiibwa kya kyolwa kya nfudilo pamune.
Abakwata Yesu
Yuudase Iskaryote akunkusha kisaka kikata kya basalayi be na myele ya ngoshi na myengye ya kaalo mwifuba dya Getesemane bwa shi bakwate Yesu.
Mpyeele atunu Yesu
Nkinyi kibaadi kikitshikye mwibalasa dya nshibo ya Kayifase? Na nkinyi kibadi kikitshikiile Yesu mu nshibo?
Lufu lwa Yesu ku Gologota
Bwakinyi Pilato baadi mutaadiile bwa shi Yesu ayipayibwe?
Yesu basanguka
Mmwanda kinyi wa kukanya ubaadi ukitshikye kunyima kwa Yesu kwipayibwa?
Yesu bamwenekyela balobi
Yesu bakitshiine kinyi bwa kukaka binangu byabo?
Yesu balukiila mwiyilu
Kumpala kwa kwenda mwiyilu, baadi mupe balondji baaye angi malango e na muulo ukata.
Balondji abapete kikudi kiselele
Kikudi kiselele kibapeele balondji bukome kinyi bwa kukaanya?
Takubaadi kintu ki kwibemika nya
Bakata ba bipwilo babaadi bayipee Yesu abakimbile dingi bwa shi balondji baumiine kushii kulungula. Anka tababaadi bya koobesha nya.
Yesu basangula Solo
Solo baadi mwishikwanyi mukata a beena Kidishitu, kadi bafikile kushintuluka.
Korneye bapete kikudi kiselele
Bwakinyi Efile Mukulu batumine Mpyeele ku nshibo ya uno muntu shibaadi mwina Yuuda?
Bwina Kidishitu bubapalakana mu bisamba bibungi
Mutumbiibwa Mpoolo na bakwabo ba misionere ababanga mudimo wa bulungudi mu maumbo e kula.
Mulami a lukano balongo bya binyibinyi
Mu kipaso kinyi mwikale demo, kutshinka kwa nsenga na lupete bitale mwanda umune?
Mpoolo na Timotee
Bano bantu babidi abaadi bafube pamune bu ba kuuku na bu beena mufubo munda mwa mafuku ebungi.
Abatumu Mpoolo ku Looma
E mu lwendo lwi na masaku ebungi, kadi takubaadi nkalakashi ilombeene kubofusha uno mutumiibwa nya.
Kibafumbwilwe kya Yowano
Yesu baadi muleshe Yowano bimonwa pabitale myanda ayikafiki.
“Bufumu bwobe bufikye”
Kibafumbwilwe kya Yowano akilesha kipaso akikashintuula Bufumu bw’Efile Mukulu nshalelo pa nsenga.
