Efile Mukulu akyebe shi bantu bekale na muloo pa nsenga. Bapangile nsenga na bintu byooso bi mwanka mwanda mmufule bantu. Kubashala mafuku apela bwashi ape bantu ba maumbo ooso nshalelo ebuwa. Akyebe kupudisha myanda yooso ikwete kufwishila bantu makyenga.​—Badika Yeelemiya 29:11.

Guvernema su ngumune tamobeshe kukaasha buntomboshi, mikumbo, sunga lufu. Kadi kwi mukandu wibuwa. Kunyima kwa mafuku, Efile Mukulu ashintuula ma guvernema ooso bwashi atuule bufumu bwaye. Bantu abakashala na kufukama na mbidi bukome.​—Badika Yeeshaya 25:8; 33:24; Danyele 2:44.

Makyenga aakyebe kupwa nka su Efile Mukulu bakaasha bantu bebubi pa nsenga. (Sofonii 2:3) Byabya abikakitshika naminyi? Eyi dy’Efile Mukulu dibaadi ditemukye myanda yatukwete kumona pa nsenga ano mafuku. Myanda ikwete kukitshika pa nsenga ayilesha shi Efile Mukulu taadi pepi na kupudisha ino nkalakasho yooso.​—Badika 2 Timotee 3:1-5.

Abitungu tulongye myanda itale Efile Mukulu mu Bible. Bible e bu mukanda aufiki kwi nshetu a kifulo. Awitulesha mushindo watudya kwikala na nshalelo ebuwa kubanga binobino na kupeta muwa wa looso mu mafuku aafiki. Bangi bantu mbakumbeene kukita bwashi topetanga bukwashi bwa kupusha Bible. Kadi tokumanga kuleka muntu su ngumune akukutshishe kulonga myanda itale Efile Mukulu.​—Badika Myeele 29:25; Bifumbulwe 14:6, 7.