KIPINDJI 3
Nshaleelo mu Mpaladiiso baadi naminyi?
Yehowa bapeele Adame na Eeva bintu bibungi bibuwa. Kibangilo 1:28
Yehowa bapangile mukashi a kumpala, Eeva, na aye nkumupa Adame bwashi ekale mukashi aye.—Kibangilo 2:21, 22.
Yehowa bebapangile na binangu na mbidi ipwidikye, ishi na kilema ata kimune.
Abaadi bashale mu Mpaladiiso, mu lupango lwa Edene—mbalo ibuwa ngofu ina myela, nyema, na mitshi ya bikuba.
Yehowa baadi esamba nabo; baadi ebalongyesha. Su abaadi ba mupushishe, abadya kwikala na muwa wa looso mu mpaladiiso pa nsenga.
Efile bebalungwile shi: tanudyanga bikuba bya mutshi wa kushinguula buuwa sunga bubi. Kibangilo 2:16, 17
Mwikeyilu umune ubatombokyele Efile. Wawa muikeyilo wibubi nyi Kafilefile, Satana.
Yehowa balesheshe Adame na Eeva mutshi umune wa bikuba; aye nkwibalungula shi su babadi bikuba bya wawa mutshi, abafu.
Satana tabakuminyine shi Adame na Eeva bakokyele Yehowa nya. Kubukwashi bwa nyoka, aye nkulungula Eeva shi su adya kikuba kya wawa mutshi, taafu nya, kadi akekala bu Efile. Baadi mudimbe madimi a binyibinyi.—Kibangilo 3:1-5.
Tala dingi
ESSENTIAL BIBLE TEACHINGS
Bwakinyi Efile Mukulu bapangile nsenga?
Nsenga yatudi bashaale i na binti bikile buwa. Ngitudiibwe pa bula bulombanyine na nguba, ayifuunyu bilombana na kwimika kalolo. Bwakinyi Efile Mukulu badi mwitatshishe bikata bino bwa kupanga nsenga?
