DILONGIESHA 14
Tui kulanguila Efile Mukulu mu kipaso akimusankisha naminyi?
Nka biatumuene mu dilongiesha dibakidi, nta bipuilo bioso abisankishaa Efile Mukulu nya. Anka tui balombene kulanguila Mupangi etu mu mushindo aumusankisha. Biabia, ‘ndulanguilo’ kinyi alumusankisha? (Shake 1:27, EEM) Tala abilongiesha Bible pabitale uno muanda.
1. Abitungu lulanguilo luetu luikale luimene pa kinyi?
Abitungu lulanguilo luikale luimene mu Bible. Yesu balunguile Efile Mukulu’ shi: “Eyi dyobe ndya binyibinyi.” (Yowano 17:17) Bingi bipuilo abiluankana bia binyibinyi bi mu Eyi diyokielue di’Efile Mukulu Bible. Bikuete kulongiesha bipikua bia bantu pamutue pa kulongiesha bia binyibinyi bi mu Eyi di’Efile Mukulu. Anka Yehowa tasangalaa na baba ‘abaipa Muiya w’Efile Mukulu.’ (Badika Maako 7:9.) Mu ungi ngakuilo, atusankisha eshimba di’Efile Mukulu su lulanguilo luetu nduimene mu Bible na su atulondo miiya yaye.
2. Mushindo kinyi autungu kulanguila Yehowa?
Abitungu tulanguile penda Yehowa muanda nnaye Mupangi etu. (Kibafumbwilwe 4:11) Bino abilesha’shi abitungu tumufule na kumulanguila nka penda aye, kushii kufubisha bifuatulo sunga ma nkishi bua kumulanguila nya.—Badika Yeeshaya 42:8.
Abitungu’shi lulanguilo luetu luikale ‘lwiselele na alusankisha’ Yehowa. (Bena-Looma 12:1) Bino abilesha’shi, abitungu nshalelo etu ekale muipushene na miya yaye. Bu kileshesho, baba bafule Yehowa abanemekaa na kulonda miya yaye pabitale eibakishi. Abitungu dingi bashikue biubishi bi bubi bu kutoma nfuanka na bingi bintu abikoluana, sunga kukolua malua. a
3. Buakinyi abitungu tulanguile Yehowa pamune na bena Kidishitu netu?
Bisangilo bietu bia ku lubingo, abitupeyaa mushindo wa “kutumbisha Yehowa [mu kakongye].” (Misambo 111:1, 2, Ñono na malango) Umune wa ku mishindo yatukitaa bino, nkuyimba bua kutumbisha Yehowa. (Badika Misambo 104:33.) Yehowa etutekie buatudia kutuela mu bisangilo muanda muitufule na auku’shi etukuasha buatudia kuikala na mulo bua loso. Nsaa yatuibungu pamune bua kuinyingishena, atupete bukuashi atue banabene.
TUKIMBUULE BOSO
Tutale buakinyi Yehowa takuminaa muntu amulanguila ku bukuashi bua bifuatulo. Tala mishindo ibuwa yatudi balombene kutumbisha Yehowa.
4. Tabitungu tulanguile Efile Mukulu ku bukuashi bua bifuatulo nya
Atuku naminyi’shi kulanguila Efile Mukulu ku bukuashi bua bifuatulo t’akumusankisha? Tala VIDEO, akupu nuisambile luno lukonko alulondo.
-
Nkinyi kibadi kikitshikie pabadi bangi balanguidi b’Efile Mukulu ba mafuku a kala abamulanguila ku bukuashi bua ma nkishi?
Bangi bantu abalanguila Efile Mukulu ku bukuashi bua bifuanyi, muanda ngi mushindo wabepushaa bu be pepi naye. Kadi kukita bino nkulombenne binyibinyi kuibekasha pepi n’Efile Mukulu su? Badika Efilu 20:4-6 na Misambo 106:35, 36, akupu nuisambile ino nkonko ailondo:
-
Mbintu kinyi sunga bifuatulo biokuete kumona bantu abafubisha bua kulanguila Efile Mukulu?
-
Yehowa apushaa naminyi pabitale kufubisha bifuatulo mu wawa mushindo?
-
Obe namu opushaa naminyi pabitale kufubisha bifuatulo mu wawa mushindo?
5. Kulanguila penda Yehowa akuitupososha ku malongiesha a madimi
Tala kulanguila Yehowa mu mushindo wi buwa biakudi kulombene kuitupososha ku malongiesha a madimi. Tala VIDEO.
Badika Misambo 91:14, akupu nuisambile luno lukonko alulondo:
-
Yehowa mmulee’shi aketukitshina kinyi patulesha’shi tui bamufule na atukumina kumulanguila penda aye?
6. Atulanguilaa Efile Mukulu mu bisangilo bia kakongye
Atutumbishaa Yehowa na kuinyingishena ku muntu na muntu, patutusha ngalulo na patuyimbi mu bisangilo bia kakongye. Badika Misambo 22:22, akupu nuisambile ino nkonko ailondo:
-
Tobopushile mulo pa kupusha muntu kualula mu bisangilo?
-
Okumina namu kuilumbula bua nkatusha lualulo mu bisangilo?
7. Yehowa ekala na mulo nsaa yatulungula bantu mianda yatulongo
Kui mishindo ibungi yatudi balombene kulungula bangi bia binyibinyi bia mu Bible. Badika Misambo 9:1 na 34:1, akupu nuisambile luno lukonko alulondo:
-
Muanda kinyi wa mu Bible watudi balongie, okumina kulungula ungi muntu?
BANGI ABAMBA’SHI: “Bi bukopo bua kusankisha Efile Mukulu.”
-
Obe namu omono naminyi?
MU KIKOSO
Atusankisha Mupangi etu patumulanguila nka penda aye, patumutumbisha mu bisangilo bia kakongye na patulungula bangi mianda yatudi balongie.
Kuambuula
-
Tui kulonga mushindo wibuwa watudia kulanguila Efile Mukulu naminyi?
-
Buakinyi abitungu tulanguile nka penda Yehowa?
-
Buakinyi abitungu tulanguile pamune na bangi abakumina kusankisha Efile Mukulu?
TALUULA DINGI
Badika buakinyi ungi muana mukashi badi na mulo p’aye kuleka kulanguila ma nkishi.
“Ntshi ki dingi ku bupika bua ma nkishi” (Kitente kya Mulami, 1/7/2011)
Tala kilombene nkukuasha bua kutusha ngalulo mu bisangilo bia kakongye.
“Tumbishayi Yehowa mu kakongye” (Kitenta kya Mulami, 1/2019)
Tala bibadi bipete ungi nsongualume bukuashi ku bisangilo bia mu kakongye, sunga biekala’shi tabibadi bibofule bua kuibituela.
Bantu bebungi abakumina’shi nkuluse nkitunduilo kia bena Kidishitu, biabia, tui balombene kumufubisha mu lulanguilo luetu su?
“Bwakinyi ba Temwe ba Yehowa tabafubaa na nkuluse mu lulangwilo?” (Muisambo wi mu Internete)
a Atukesambila ino mianda mu malongiesha a ku nfudilo.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
