DILONGIESHA 16
Yesu bakitshine kinyi pabadi pa nsenga?
Bantu bebungi abamonaa Yesu bu muana shi na muntu a kumukaluila, bu mutemuki sha binangu, sunga bu muntu tadi akiebe kutula eshimba. Biabia, tui balombene kulonga bibungi pabimutale, p’atue kutalula nshalelo aye pabadi pa nsenga. Mu dino dilongiesha atukatalula ingi mianda i na mulo ukata ibadi ikite Yesu pabadi pano pa nsenga na biayidi ilombene nkukuasha.
1. Yesu badi akitshi mudimo kinyi wi na muulo ukata?
Mudimo ukata ubadi nao Yesu ubadi wa “kulungula mukandu wibuwa w’Efile Mukulu.” (Badika Luka 4:43.) Badi alungula mukandu wibuwa wa’shi: Efile Mukulu akatulu Bufumu sunga mbulamatadi akapudisha mianda yoso aikalakasha bantu. a Munda mua bipua bisatu na kipindi, Yesu bafubile ngofu bua kulungula bantu uno mukandu awibanyingisha.—Mateo 9:35.
2. Buakinyi Yesu badi akitshi bilengieleshi?
Bible akula mianda i bungi pabitale “bilengyeleshi na bipaso na bitundwilo bibakitshine Efile Mukulu kukiila [mwi Yesu].” (Bikitshino 2:22, Kilombeno kipya 2014) Efile Mukulu bapeele Yesu bukome bua kuikala na matalua pa mema na pa bipapi, kudisha ba sha nsala, kupasha ba sha mikumbo mpa na kubusha bafue. (Mateo 8:23-27; 14:15-21; Maako 6:56; Luka 7:11-17) Bilengieleshi bia Yesu bibadi bishinkamishe patoka’shi Efile Mukulu nyi badi mumutume. Abilesha dingi’shi Yehowa e na bukome bua kupudisha mianda yetu yoso aitukalakasha.
3. Tui kulongiela kinyi ku nshalelo badi naye Yesu?
Yesu badi mukokiele Yehowa mu mianda yoso. (Badika Yowano 8:29.) Sunga biekala’shi kubadi kubinguabingua, Yesu badi akitshi bioso bibabadi abamulungula kui Nshaye na lulamato loso mpa na ku lufu. Badi muleshe patoka’shi bantu mbalombene kufubila Efile Mukulu, sunga bekala mu nkalakashi ibukopo. Yesu ‘betulekyele kileshesho bwa’shi tulonde matabula aaye.’—1 Mpyeele 2:21.
TUKIMBUULE BOSO
Tutale bibadi Yesu mulungule mukandu wibuwa na kukita bilengieleshi.
4. Yesu badi mulungule mukandu wibuwa
Yesu badi atambuka bilombetre bibungi mu mashinda aule lufufi bua kulungula mukandu wibuwa kui bantu boso. Badika Luka 8:1, akupu nuisambile ino nkonko ailondo:
-
Yesu badi alungula mukandu wibuwa kui penda bantu babadi abebungu bua kumutemesha su?
-
Yesu badi etatshisha naminyi bua kukimba bantu?
Efile Mukulu badi mutemukie’shi Mesiya badi na kia kulungula mukandu wi buwa. Badika Yeeshaya 61:1, 2, akupu nuisambile ino nkonko ailondo:
-
Yesu badi mulombashe buno butemuki naminyi?
-
Omono’shi ano mafuku etu bantu be na lukalo lua kupusha uno mukandu wi buwa su?
5. Yesu badi mulongieshe bia binyibiyi bi na muulo ukata
Kukatusha kulungula mukandu wi buwa pabitale Bufumu bu’Efile Mukulu, Yesu badi mulongieshe bia binyibinyi bi na muulo ukata. Tala bileshesho bipela bia Muisambo waye wa pa Muengie wende nkumo. Badika Mateo 6:14, 34 na 7:12, akupu nuisambile ino nkonko ailondo:
-
Yesu batushishe malango kinyi e na muulo mu ino verse?
-
Onangushena’shi ano malango ngalombene kukuasha bantu lelo uno?
6. Yesu bakitshine bilengieleshi
Yehowa bapeele Yesu bukome bua kukita bilengieleshi bibungi. Bua kumona kimune kia ku bianka, badika Maako 5:25-34 sunga kutala VIDEO. Akupu nuisambile ino nkonko ailondo.
-
Mu video, uno muana mukashi badi na maladi badi mushinkamishe kinyi?
-
Nkinyi akikukanyisha pabitale kino kilengieleshi?
Badika Yowano 5:36, akupu nuisambile luno lukonko alulondo:
-
Bilengieleshi bia Yesu bibatushishe “bu kamonyi kinyi” pabimutale?
Oukanga su?
Mianda ibungi yatuku pabitale Yesu, aitukila mu mikanda inanka yabetamina bu ma Evanjile, kui a Mateo, a Maako, a Luka na a Yowano. Mufundi oso a Evanjile, muakule mianda ilekenelekene pabitale Yesu. Ino mianda yoso yabadi bakule, aitukuasha bua kupusha kalolo bibadi nshalelo a Yesu.
-
MATEO
aye nyi bafundile Evanjile a kumpala. Ashimika kasele pa malongiesha a Yesu, bikishekishe pabitale bibadi mulongieshe pabitale Bufumu bu’Efile Mukulu.
-
MAAKO
aye nyi mufunde Evanjile muipi ku yoso. Alesha mianda ibungi ya kukanya ibadi ikite Yesu.
-
LUKA
etulungula bibadi Yesu aata luteko na muulo, na bibadi akitshina bana bakashi mianda na kalolo.
-
YOWANO
etulungula mianda ibungi pabitale bu muntu bua Yesu na mianda ibungi ibadi Yesu muisambe na ba kuku baye ba kifulo mpa na bangi bantu.
BANGI ABAMBA’SHI: “Yesu ngi Efile Mukulu a bukome boso.”
-
Obe namu onangushena naminyi?
MU KIKOSO
Yesu badi mulungule mukandu wi buwa pabitale Bufumu bu’Efile Mukulu, bakitshine bilengieleshi, na badi mukokiele Yehowa mu mianda yoso.
Kuambula
-
Mudimo kinyi wi na muulo ukata ubakitshine Yesu pano pa nsenga?
-
Bilengieleshi bia Yesu bibadi abishinkamisha kinyi?
-
Mianda kinyi i na muulo ibadi Yesu mulongieshe?
TALUULA DINGI
Yesu badi mukambe kuisambila pabitale muanda kinyi?
“Bufumu bw’Efile Mukulu—Bwakinyi bwi na muulo kwi Yesu?” (Kitenta kya Mulami, 1/10/2014)
Tala buakinyi tui balombene kushinkamisha’shi bilengieleshi bia Yesu bibadi bikitshikie.
“Bilengieleshi bia Yesu—abikulongiesha kinyi?” (Kitenta kya Mulami, 15/7/2004)
Tala bibadi ungi muntu mushintule nshalelo aye, p’aye kulonga mushindo ubadi Yesu ekalakasha bua bangi.
“Nadi nakimbi penda buwa buande ami nabene” (Kitenta kya Mulami, 1/10/2014)
Tala bilombene nkukuasha mianda ikata ibakitshine Yesu mu mudimo waye.
“Mianda ikata ya mu muwa wa Yesu pa nsenga” (Mukanda aukwasha bua kulonga Eyi dy’Efile Mukulu, Kipindi 4)
a Mu dilongiesha dia 31-33 atukesambila bibungi pabitale Bufumu bu’Efile Mukulu.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
