DILONGIESHA 17

Yesu ekalaa naminyi?

TEEMESHA MU

Nsaa yatulongo pabitale mianda ibakuile Yesu na ibakitshine pa Nsenga, atutundula ngikashi ibungi aitukuasha bua kuifubuila pepi naye na pepi na Nshaye Yehowa. Ku ngikashi ya Yesu, ngikunyi yosankilaa? Mushindo kinyi watudi balombene kuambula Yesu mu nshalelo etu?

1. Mu mushindo kinyi wikale Yesu bu Nshaye?

Pabadi muiyilu, Yesu badi atala bibadi Nshaye alesha kifulo na balongiele bibungi pabimutale munda mua bipua midiyala. Pa muanda wa biabia, Yesu anangushenaa, epushaa na kukita mianda nka bu Nshaye. (Badika Yowano 5:19.) Biabia, Yesu muambule bu muntu bua Nshaye mu mianda yoso, nyi buakinyi bakuile’shi: “Yawa bammono, bamono Yaya.” (Yowano 14:9) P’olongo pabitale bu muntu bua Yesu, onyinsha kuka Yehowa kalolo. Bu kileshesho, bibadi Yesu etuulu pa mbalo ya bangi abilesha namu abipushaa Yehowa pamuanda obe.

2. Yesu badi muleshe naminyi’shi mufule Yehowa?

Yesu bakuile’shi: “Anka bwa’shi ba pa Nsenga baukye’shi ne mufule Yaya kifulo, na Mwiya wababadi bangyelele kwi Yaya, byabya ngi byankitshi.” (Yowano 14:31, Kilombeno kipya 2014) Yesu pabadi pa nsenga, badi muleshe’shi mufule Nshaye bikata p’aye kumukokiela mpa na pabadi mu nkalakashi i bukopo. Yesu badi akumina kulungula bantu pabitale Nshaye, na kuibakuasha bua’shi bafikie ba kuku ba Nshaye.—Yowano 14:23.

3. Yesu badi muleshe naminyi’shi mufule bantu?

Bible akula’shi: Yesu badi “mufule bantu ngofu.” (Nkindji 8:31) Badi muibaleshe kifulo paye kuibanyingisha, na kuipana bua kuibakuasha. Badi akitshi bilengieleshi kushi bua kulesha bukome buaye, anka muanda badi etulu pa mbalo ya bangi. (Maako 1:40-42) Badi akitshina bantu mianda na kalolo koso na kushi ntondo. Bishima biaye bibadi abinyingisha na kupa bantu boso basha mashimba alulame babadi abamutemesha lukulupilo. Yesu badi mukumine kukienga na kufua muanda mufule bantu boso. Anka badi mukambe kufula baba babadi abatumikila malongiesha aye.—Badika Yowano 15:13, 14.

TUKIMBUULE BOSO

Tutalule mianda ibungi pabitale bu muntu bua Yesu. Na tutale bibadi alesha bangi kifulo na kalolo.

4. Yesu mufule Nshaye

Kileshesho kia Yesu akitulongiesha biatudi balombene kufula Efile Mukulu. Badika Luka 6:12 na Yowano 15:10; 17:26. Kunyima kua kubadika kifundue kioso, esambilei luno lukonko:

P’atuambula Yesu mbikunyi biatudi balombene kulesha’ shi tuibafule Yehowa?

Yesu badi mufule Nshaye a muiyilu na badi esamba naye ku bukuashi bua luteko

5. Yesu atulaa nkalo ya bangi pa mbalo ya kumpala

Yesu badi atulu nkalo ya bangi kumpala kua yaye. Mpa na nsaa ibadi mukokie badi afubisha nsaa yaye na bukome buaye bua kukuasha bangi. Badika Maako 6:30-44, akupu nuisambile ino nkonko ailondo:

Mu ingi mishindo kinyi mubadi Yesu muleshe’ shi apasukilaa bangi?—Tala verse 31, 34, 41, na 42.
Nkinyi kibadi akitakula Yesu bua kukuasha bantu?—Tala verse 34.
Bu bibadi Yesu alesha bu muntu bua Nshaye, bino bioso abikulongiesha kinyi pabitale Yehowa?
Mu ingi mishindo kinyi muatudi balombene kuambula Yesu pabitale kupasukila bangi?

6. Yesu e na kalolo

Yesu badi alesha kalolo sunga biekala’shi tabadi na bintu bibungi bia ku mbidi, na etunyingisha bua kuikala na kalolo. Badika Bikitshino 20:35, akupu nuisambile luno lukonko alulondo:

Nka bu Yesu, bikunyi biatudi balombene kuikala na mulo?

Tala VIDEO, akupu nuisambile luno lukonko alulondo:

VIDEO: “Muabi wa kupana ngukile wa kupebua”—Kapindi (4:00)

Mu ingi mishindo kinyi yatudi balombene kulesha bantu kalolo, sunga tuekala na bintu bipela bia ku mbidi?

Oukanga su?

Bible etulongiesha’shi abitungu tutekie Yehowa muishina dia Yesu. (Badika Yowano 16:23, 24.) Patusambila mu uno mushindo, atulesha’shi tui na lutumbu kui Yesu bua bioso biadi mukite bua kuitukuasha bua’shi tufikie ba kuku ba Yehowa.

BANGI ABAMBA’SHI: “Efile Mukulu tekalakashaa pabitale makienga etu.”