DILONGIESHA 19
Ba Temwe ba Yehowa mbena Kidishitu ba binyibinyi su?
Bu biatudi ba Temwe ba Yehowa, atukuminaa’shi tui bena Kidishitu ba binyibinyi. Buakinyi atuamba biabia? Tubande kutala kitako kia malongiesha etu, eshina adituikasha belekene na bangi, na biatudi befulene ku muntu na muntu.
1. Lukumino lua ba Temwe ba Yehowa nduimene pa kinyi?
Yesu bakuile’shi: “[Eyi] dy’Efile Mukulu ndya binyibiyi.” (Yowano 17:17) Nka bu Yesu, lukumino lua ba Temwe ba Yehowa aluikalaa luimene nka mu Eyi di’Efile Mukulu. Bu kileshesho, tubande kutala bibatubangile. Mu bipua 1870, kasaka ka balongi ba Bible kababangile kutalula kalolo bifundue bia mu Bible. Nkumino yabo, ibadi imeene nka mu mianda ibabadi ababadika mu Bible, sunga biekala’shi bibadi bilekene na bibabadi abalongiesha mu bingi bipuilo. Akupu, ababangile kulungula bangi bia binyibinyi bia mu Bible. a
2. Buakinyi atuiyitanyinaa bu ba Temwe ba Yehowa?
Yehowa aitanyina balanguidi baye bu ba Temwe, muanda abakulaa bia binyibinyi pabimutale. (Bena-Ebelu 11:4–12:1) Bu kileshesho mu mafuku a kala, Efile Mukulu balunguile muilo waye’shi: “[Nwi] tumonyi twande.” (Badika Yeeshaya 43:10.) Bible aitanyina Yesu Kidishitu bu: “Kamonyi ka kishima.” (Kibafumbwilwe 1:5) Biabia, mu 1931, tubadi bakumine kuata eshina dia bu ba Temwe ba Yehowa. Nkinemo kikata kia kuitaminyibua mu dino eshina.
3. Ba Temwe ba Yehowa abambulaa kifulo kia Yesu naminyi?
Yesu badi mufule balongi baye ngofu mu mushindo ubabadi bafikie mpa na bu kifuko kiaye. (Badika Maako 3:35.) Mu mushindo umune, atue ba Temwe ba Yehowa tui mu buwumune mu kifuko kia mu nsenga ishima. Nyi buakinyi atuiyitamishenaa bu bakuetu balume na bakashi. (Filemone 1, 2) Na atukokielaa dingi ku muiya wa’shi: “Fulayi bakwenu boso kifulo.” (1 Mpyeele 2:17) Ba Temwe ba Yehowa abaleshaa kino kifulo mu mishindo ibungi, bu kukuasha bakuetu ba mu nsenga ishima nsaa yabadi lukalo na bukuashi.
TUKIMBUULE BOSO
Tulongie bibungi pabitale bibabangile ba Temwe ba Yehowa na tutale bishinkamisho abilesha’shi tui bena Kidishitu ba binyibinyi.
Bena Kidishitu ba binyibinyi abataa malongiesha aabo mu Bible na kuialungula bangi
4. Malogiesha etu ngemeene mu Bible
Yehowa badi mutemukie’shi mpushisho etu a bia binyibinyi bia mu Bible akalumbuluka. Badika Ndanyele 12:4, akupu nuisambile luno lunkonko alulondo:
-
Nkinyi kibadi na kia “kutama” munkatshi mua bafubi b’Efile Mukulu, pabatungunuka na kulonga Bible?
Tutale mushindo ubadi kasaka ka balongi ba Bible pamune na Charles Russell, abalongo Eyi di’Efile Mukulu. Tala VIDEO, akupu nuisambile luno lukonko alulondo.
-
Mu uno video, mushindo kinyi ubadi Charles Russell na benaaye abalongo Bible?
Oukanga su?
Ingi misusa, atulumbulaa mpushisho a angi malongiesha etu. Buakinyi? Nka bi nsembue ya nguba ayendaa na kutama bipela bipela, Efile Mukulu kuete kuenda na kutamisha mpushisho etu kapela kapela. (Badika Nkindji 4:18.) Biabia, sunga biekalaa’shi Bible tashintulukaa, atulumbulaa mpushisho etu, nsaa ayende na kutama mpushisho etu a bia binyibinyi bia mu Bible.
5. Tui na nshalelo muipushene n’eshina dietu
Buakinyi tubatshile eshina dia bu ba Temwe ba Yehowa? Tala VIDEO, akupu nuisambile luno lukonko alulondo.
-
Buakinyi dino eshina dia bu ba Temwe ba Yehowa nditulombene?
Buakinyi Yehowa badi musangule bantu bua kuikala ba Temwe baye? Mbua’shi bakuashe bantu bua kutundula Yehowa bu Efile Mukulu a binyibinyi, bu bikale’shi bebungi abakula mianda ya madimi pabimutale. Tubande kutalula penda mianda ibidi ya ku ano madimi abadimbila Efile Mukulu.
Bingi bipuilo bikuete kulongiesha balanguidi babio’shi, Efile Mukulu akumina’shi bantu bamulanguile ku bukuashi bua bifuatulo. Anka badika Bena-Levi 26:1, akupu nuisambile ino nkonko ailondo:
-
Muyile abiakula Bible na abilongiesha bipuilo, kia binyibinyi nkinyi? Yehowa apushaa naminyi pabitale ma nkishi?
Bangi bakata ba bipuilo abalongiesha’shi Yesu nyi Efile Mukulu. Anka, badika Yowano 20:17, akupu nuisambile ino nkonko ailondo:
-
Muyile abiakula Bible na abilongiesha bipuilo, kia binyibinyi nkinyi? Efile Mukulu na Yesu mmuntu umune su?
-
Opusha naminyi pa kuuka’shi Yehowa mutume ba Temwe baye bua kulungula bia binyibinyi pabimutale na pabitale Muan’aye?
6. Tui befulene munkatshi muetu
Bible apuandikisha bena Kidishitu na bipindi bilekene bia mbidi. Badika 1 Bena-Kodinda 12:25, 26, akupu nuisambile ino nkonko ailondo:
-
Bena Kidishitu ba binyibinyi abakitaa naminyi nsaa i bena Kidishitu nabo abakiengie?
-
Kinyi kiodi mumone pabitale kifulo ki munkatshi mua ba Temwe ba Yehowa?
Nsaa i ba Temwe ba Yehowa ba mbalo kampanda abakiengie, ba Temwe nabo ba mu nsenga ishima abakimbaa bia kuibakuasha bukidibukidi. Bua kumona kileshesho kimune, tala VIDEO. Akupu nuisambile luno lukonko alulondo.
-
Mbikunyi bi kuitatshisha kua ba Temwe ba Yehowa bua kukuasha bantu bapete masaku akulesha kifulo ki munkatshi muabo?
Bena Kidishitu ba binyibinyi abaleshaa kifulo kui baba be na lukalo na bukuashi
BANGI ABAMBA’SHI: “Ba Temwe ba Yehowa, nkipuilo kia kano kabidi.”
-
Nkubanga mafuku kinyi ababangile Yehowa kuitanyina bafubi baye bu ba temwe?
MU KIKOSO
Ba Temwe ba Yehowa, mbena Kidishitu ba binyibinyi. Tui kifuko kia balanguidi be mu nsenga ishima, abatshila malongiesha abo mu Bible, na abaukisha bia binyibinyi pabitale Yehowa.
Kuambuula
-
Buakinyi tui baate eshina dia bu ba Temwe ba Yehowa?
-
Atuikitshishenaa mianda mu mushindo kinyi munkatshi muetu?
-
Opuandikisha’shi ba Temwe ba Yehowa mbena Kidishitu ba binyibinyi su?
TALUULA DINGI
Longa bibungi pabitale bibatubangile.
Ba Temwe ba Yehowa—Lukumino lui na bikitshino, Kipindi 1: Kutuka kua mu mufito (1:00:53)
Tala kileshesho kimune akilesha bibadi ba Temwe ba Yehowa batushe malogiesha a madimi patoka.
Peta ngalulo ku nkonko yodi mulombene kuikala nayo pabitale ba Temwe ba Yehowa.
“Nkonko yabakambaa kuela pabitale ba Temwe ba Yehowa” (Kipindi kia mu Internete)
Stephen badi mushikue bantu ba dingi ekoba na badi ebaluisha. Tala kibadi mumone munkatshi mua ba Temwe ba Yehowa, kibadi kimutakule bua kushintuluka.
“Nshalelo ande bandi ende nka na kunyisha kuluila” (Kitenta kya Mulami, 1/7/2015)
a Kubanga mu 1879, muilo wa Yehowa ubatushishe Kitenta kya mulami, akipushisha kalolo bia binyibinyi bia mu Bible.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
