Yehowa ta Efile Mukulu a kafutakanyi. (1 Bena-Kodinda 14:33) Biabia, atukulupila’shi bafubi baye, tabekalaa na kafutakanyi, anka abakitaa mianda mu mulongo. Mushindo kinyi wabadi balumbule mianda mu kakongye ka bena Kidishitu? Mushindo kinyi watudi balombene kukuatshishena bua’shi mianda ikitshikie mu mulongo mu kakongye?

1. Nnanyi muikale nfumu a kakongye?

‘Kidishitu nfumu a kakongye.’ (Bena-Efeso 5:23, Kilombeno kipya 2014) Kukatukila muiyilu, Yesu kuete kukunkusha midimo ya muilo wa Yehowa pa nsenga ishima. Yesu batudile ‘mpika a lulamato na mudimukye,’​—muikale kasaka kapela ka bakulu banyingie mu kikudi, kabetanyinaa bu Kasaka ka Bakunkushi-Bakulu. (Badika Mateo 24:45-47.) Nka bu mu siekele a kumpala, batumibua na bakulu ba mu Yelusaleme, nyi babadi kasaka ka bakunkushi bakulu, kabadi akatusha bukunkushi mu tukongye tua mu nsenga ishima. (Bikitshino 15:2) Anka bano bakuetu balume, ntabekale bakata ba ndumbuluilo eetu nya. Abakimbaa buludiki kui Yehowa, na mu Eyi diaye Bible, na abakuminaa kulonda buludiki bua Yesu.

2. Bakulu abekalaa na mudimo kinyi mu kakongye?

Bakulu, mbena Kidishitu banyingie mu kikudi, abalongiesha muilo wa Yehowa mianda aikatukila mu Bible, kuibanyingisha na kuibakuasha. Tabebafutaa bua mudimo wabo. Anka, abafubaa na ‘muloo ooso bu abikyebe Efile Mukulu; kushii na lwabi, anka mu kwilambula kuabo.’ (1 Mpyeele 5:1, 2) Bakulu abebakuashaa kui bafubi ba midimo, kunyima kua mafuku, mbalombene kulombasha mianda itekibue bua kufika bakulu.

Kasaka ka Bakunkushi-Bakulu, akatulaa bangi bakulu bu bakunkushi ba bifunda. Abakatalaa tukongye bua kuitupa buludiki na kuitunyigisha. Abatulaa bantu balombashe mianda itekibue mu Bifundue bu bakulu na bafubi ba midimo mu kakongye.​—1 Timote 3:1-10, 12; Tite 1:5-9.

3. Temwe a Yehowa oso e na bushito kinyi?

Boso buetu mu kakongye, tui na bushito bua “kutumbisha eshina dia Yehowa,” kutusha ngalulo mu bisangilo bia kakongye, kuyimba, kuela miisambo, kukita maasha a bileshesho na kulungula mukandu wibuwa muyile ngobesha yetu.​—Badika Misambo 148:12, 13.

 TUKIMBUULE BOSO

4. Yesu nyi mukunkushi e buwa

Yesu etuitamina na muloo oso buatudia kufika kuadi. Badika Mateo 11:28-30, akupu nuisambile luno lukonko alulondo:

• Yesu akumina’shi tupushe naminyi pabitale bukunkushi buaye?

5. Bakulu abalongieshaa bangi ku kileshesho kiabo

1. Bakulu abanyingishaa kipuano kiabo na Yehowa na kukuasha bifuko biabo bua kunyinga mu kikudi

2. Bakulu abapasukilaa bena kakongye boso

3.   Bakulu be na kisumi mu mudimo wa bulungudi

4. Bakulu abalongieshaa. Abakuashaa dingi ku midimo ya kulumbula nshibo ya Bufumu na ingi

6. Tui balombene kukuatshishena bakulu

Bible etulesha kabingilo ke na muulo ukata ka kukuatshishena bakulu. Badika Bena-Ebelu 13:17, akupu nuisambile ino nkonko ailondo:

• Buakinyi Bible etutekie buatudia kukokiela baba abakunkusha n’eshimba dietu dioso? Opushaa naminyi pabitale uno muanda?

Badika Luka 16:10, akupu nuisambile luno lukonko alulondo:

• Buakinyi bi na muulo kukokiela bakulu sunga mu tu mianda tupela?

 MU KIKOSO

Yesu Nfumu a kakongye. Tui na mulo wa kukuatshishena bakulu abafubu mu bukunkushi bua Yesu muanda bakuete kuitunyingisha na kuitulongiesha ku kileshesho kiabo.

Kuambuula

• Nnanyi muikale nfumu a kakongye?

• Bakulu abakuashaa kakongye mu mushindo kinyi?

• Mulanguidi oso a Yehowa e na bushito kinyi?