Tuina miluisho, atukiengie, na tukuete kufua, muanda Adame na Eeva bantu ba kumpala babadi bapele kukokiela Efile mukulu. a Anka tatuibakutue lukulupilo nya. Yehowa badi mukimbe mushindo wa kuitupasha ku miluisho na ku lufu, ku bukuashi bua muana aye, Yesu Kidishitu. Bible alongiesha’shi ku bukuashi bua lufu lua ye, Yesu badi mutushe nkulo. Nkulo nyi muulo wabafutaa bua kupasha muntu. Muulo ubadi Yesu mufute ubaadi wa muwa waye upuidikie wa bu muntu. (Badika Mateo 20:28.) Pabadi Yesu mukumine kutusha muwa waye upuidikie pano pa nsenga, badi muitufunguile eshinda bua kupeta bintu byoso bibadi Adame na Eeva bashimishe. Yesu badi muleshe dingi shi, aye na Yehowa mbetufule ngofu. Dino dilongiesha adikukuasha bua kunyisha kulesha lutumbu lobe bua lufu lua Yesu.

1. Lufu lua Yesu aluitukuasha naminyi lelo uno?

Bu biatudi bantu basha miluisho, tukuete kukita mianda i bungi isha isankisha Yehowa. Anka, su tubelanga ku miluisho yetu na su tubatekie Yehowa lusa kukiila kui Yesu Kidishitu, na su atukitshi muetu moso bua kupela kualuka dingi ku miluisho yetu, atuikala mu kipuano ki buwa n’Efile Mukulu. (1 Yowano 2:1) Bible akula’shi: “Mwanda Kidishitu aye nabeene baafwile bwa milwisho, musuusa umune bwa looso, aye mululame pa mwanda wa bashii-balulame, bwa kuinulubula kwi Efile Mukulu.”​—1 Mpyeele 3:18.

2. Miabi kinyi yatukapete kukiila ku lufu lua Yesu mu mafuku e kumpala?

Yehowa batumine Yesu bua kutusha muwa waye wa bu muntu mupuidikie “bwa’shi muntu ooso amukumiina tashiminanga, anka ayikala na muuwa wa iikalayika.” (Yowano 3:16) Tuina lutumbu bubikale’shi Yesu badi mutushe muwa waye buetu, kubashala mafuku apela buashi Yehowa akashe mianda yoso i bubi yabadi bafuishe kui buntomboshi bua Adame. Biabia su tubalesha lukumino mu mulambu wa Yesu, atukekala na mushindo wa kuikala na muloo bua loso mu mpaladiso pa nsenga!​—Yeeshaya 65:21-23.

 TUKIMBUULE BOSO

3. Lufu lua Yesu nduitupososhe ku miluisho na ku lufu

1. Adame badi muntu mupuidikie badi mupele kukokiela Yehowa, na aye nkutuesha bantu boso muishinda dia muluisho na lufu

2. Yesu badi muntu mupuidikie na badi mukokiele Efile Mukulu, na aye nkutuesha bantu boso muishinda dia kupuidika na dia kupeta muwa wa ikalaika

4. Lufu lua Yesu alukapetesha bantu boso miabi

 5. Nkulo nkia buntu kikupe Yehowa

Bakuku ba Yehowa abamona nkuulo bu kia buntu kiabo bupenka. Bu kileshesho, badika Bena-Ngalatea 2:20, akupu nuisambile luno lukonko alulondo:

• Mpolo mutumibua badi muleshe naminyi’shi, badi ata kia buntu kia nkuulo bu kiaye bupenka?

Pabadi Adame muluishe, aye na bana baye babadi bapete kibawe kia lufu. Anka Yehowa badi mutume Muana aye buashi akufuile opete muwa wa loso.

Pokuete kubadika ino verse ailondo, banda kuela binangu bibapushishe Yehowa pabamuene muana aye kuete kukienga. Badika Yowano 19:1-7, 16-18, akupu nuisambile luno lukonko alulondo:

• Okuete kupusha naminyi pabitale kibadi kikukitshine Yehowa na Yesu?

 MU KIKOSO

Ku bukuashi bua lufu lua Yesu, Yehowa mulombene kuitufuila lusa ku miluisho yetu na kuitupa mushindo wa kuikala na muwa wa loso.

Kuambuula

• Buakinyi Yesu bafuile?

• Mu mushindo kinyi ubadi muwa wa Yesu muntu mupuidikie, wikale bu nkuulo ilombane?

• Lufu lua Yesu ndulombene nkutuadila miabi kinyi?