DILONGIESHA 37
Akiamba Bible pabitale mudimo na makuta
Tobopushishe’shi we mukalakashue pabitale kupeta mudimo na makuta su? Bi kuituikela bukopo bua kulombasha nkalo yetu na kulanguila Yehowa mu mushindo wakumina. Bible etupa malango alombene kuitukuasha.
1. Bible akula kinyi pabitale mudimo?
Efile Mukulu akumina’shi tupete muloo ku mudimo wetu. Bible amba’shi “ta kwi kingi kintu ki buwa kwi muntu kukila . . . kusepêla mu mifubo yê.” (Mulungudi 2:24, EEM) Yehowa afubaa ngofu. P’atumuambula pa kukita mudimo na kishima kioso, atumusankisha na atuikala na muloo.
Mudimo wi na muulo. Anka, tatutadilanga bua’shi wikale na muulo kukila lulanguilo luetu lua Yehowa nya. (Yowano 6:27) Yehowa mmulee’shi etulombesha nkalo yetu ya ku mbidi su tubamutulu pa mbalo ya kumpala.
2. Kuikala na nkatshinkatshi pabitale makuta akulesha kinyi?
Nsaa ayishinkamisha Bible’shi ‘makuta aalamaa muntu,’ alesha dingi’shi bupenka buao ta ngalombene kuitupa muloo nya. (Mulungudi 7:12) Biabia, abetunyingisha’shi “sepeelayi na byanudi nabyo.” (Badika Bena-Ebelu 13:5.) Su tukuete kusepeela na biatudi nabio, t’atuikala atuikalakasha bua kupeta bikile bungi nya. T’atuikala atuata bishiyo kushi muanda. (Nkindji 22:7) T’atupono mu muteo wa kuasha maasha a makuta na kukimba kua kuwina mu kapindi kapela aku abitutuadila masaku.
3. Tui kukuasha bangi na makuta etu naminyi?
Yehowa nyi Efile Mukulu sha kalolo, na atumuambula patudi ‘n’eshimba dya kalolo . . . , na kwiabishena bintu na bangi.’ (1 Timote 6:18) Tui kufuba kalolo na makuta etu bua kukuatshishena kakongye pa kukuasha baba be na lukalo, bikishekishe balanguidi netu. Yehowa t’atulaa binangu ku bungi bua makuta atutusha nya, atalaa akitutakula mu kuiatusha. P’atutusha na kalolo akatukila mu mashimba etu, atuikala na muloo na atusankisha Yehowa.—Badika Bikitshino 20:35.
TUKIMBUULE BOSO
Tutale muulo wa kuikala na mueneno e buwa pabitale mudimo na kusanka na biatudi nabio.
4. Tumbisha Yehowa mu nfubilo obe
Abitungu’shi bu kuku buetu na Yehowa buikale na bukitshishi pabitale mueneno etu a mudimo. Tala VIDEO, akupu nuisambile ino nkonko ayilondo.
-
Mu video, nkinyi kibakukumu kuishimba pabitale mueneno a Jason na muikelo waye padi ku mudimo?
-
Nkinyi kibadi mukite bua kutula mudimo pa mbalo yao?
Badika Bena-Kolose 3:23, 24, akupu nuisambile luno lukonko alulondo:
-
Buakinyi mueneno etu pabitale mudimo e na muulo?
Mudimo wi na muulo. Anka tatui balombene kutadila bua’shi wikale na muulo kukila lulanguilo luetu lua Yehowa
5. Kusanka na biatudi nabio akuitukuasha
Bantu be bungi bakuete kuipana mu kukimba makuta ebungi. Anka Bible etupa malango elekene. Badika 1 Timote 6:6-8, akupu nuisambile luno lukonko alulondo:
-
Bible etutekie bua kukita kinyi?
Sunga tuekala na bintu bipela, tui kuikala nka na muloo. Tala VIDEO, akupu nuisambile luno lukonko alulondo.
-
Sunga biekala’shi kino kifuko taki na makuta e bungi, nkinyi akibapeya muloo?
Tui kuamba naminyi su tui na bibungi kadi atukimbi bikile papa? Yesu badi muele lukindi alulesha masaku alombene kutuka pa kukita bino. Badika Luka 12:15-21, akupu nuisambile luno lukonko alulondo:
-
Luno lukindi lua Yesu lubakulongiesha kinyi?—Tala verse 15.
Badika na kupuandikisha bi mu mukanda wa Nkindji 10:22 na 1 Timote 6:10. Akupu nuisambile ino nkonko ayilondo:
-
Opuandikisha’shi nkinyi ki na muulo ukata? Nkudia bu kuku na Yehowa su nkuikala na makuta ebungi? Buakinyi wamba biabia?
-
Nkalakashi kinyi ayitukila mu kukimba makuta ebungi?
6. Yehowa alombasha nkalo yetu
Kukutua kua makuta na kukutua kua mudimo nkulombene kutula lukumino luetu mui Yehowa mu kutompibua. Tala VIDEO bua kumona kia kukita nsaa yatudi na ino nkalakashi ayitompo lukumino luetu, akupu nuisambile ino nkonko ayilondo.
-
Mu uno video, uno mukuetu mmupete nkalakashi kinyi?
-
Bakitshine kinyi bua kobesha nkalakashi yaye?
Badika Mateo 6:25-34, akupu nuisambile luno lukonko alulondo:
-
Yehowa mmulee kukitshina bantu abamutulu pa mbalo ya kumpala kinyi?
BANGI ABAMBA’SHI: “Abitungu nfube ngofu bua kukuasha kifuko kiande. T’abitungu’shi nyende ku bisangilo lubingo loso nya.”
-
Nkifundue kinyi akikushinkamisha’shi kutula lulanguilo lua Yehowa pa mbalo ya kumpala nkitshibilo kibuwa?
MU KIKOSO
Mudimo wa ku mbidi na makuta bi na muulo, anka t’abitungu’shi bitukutshishue kufubila Yehowa.
Kuambuula
-
Nkinyi kilombene kuitukuasha bua kuikala na nkatshinkatshi pabitale mudimo?
-
Kusanka na biatudi nabio akuitukuasha naminyi?
-
Mushindo kinyi odi mulombene kulesha’shi we mukulupile ku mulayilo wa Yehowa wa’shi akalombasha nkalo ya bafubi baye?
TALUULA DINGI
Taluula su Bible amba’shi makuta e bubi.
Longa biatudia kufuba na makuta etu bua kusankisha Efile Mukulu.
“Bible akula kinyi pabitale kupaana?” (Muisambo wi mu Internete)
Maasha a makuta ta ngalombene kufuisha masaku su?
“Mueneno a Bible pabitale—Maasha a makuta” (Pasukayi!, 3/2015)
Tala kibadi kikuashe muntu badi asha maasha a makuta na badi ngifi bua kushintula nshalelo aye.
“Nadi muipane mu maasha a kusuuka na mpunda” (Kitenta kya Mulami, 1/11/2011)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
