Mu nsenga ishima, bantu be na mueneno muilekene pabitale maalua. Ingi nsaa, bangi abakuminaa kutoma pamune na ba kuuku. Bangi namu, t’abakuminaa kutoma sunga ntupeela. Bangi abatomaa bafika mpa na mu kukolua. Kadi mueneno a Bible pabitale maalua e naminyi?

1. Bi bubi kutoma maalua su?

Bible ta mmukandikie kutoma maalua nya. Mu kuilekena na biabia, ku bia buntu bibungi bitupe Efile Mukulu, Bible amba’shi, ‘nfinyo ayisangulushaa eshimba dia muntu.’ (Misambo 104:14, 15) Bible mutemune bangi bana balume na bana bakashi basha lulamato babaadi abatomo maalua.​—1 Timote 5:23.

2. Bible apa boso abakumina kutoma maalua elango kinyi?

Yehowa apele kutoma bikishekishe sunga kukolua maalua. (Bena-Ngalatea 5:21) Eyi di’Efile Mukulu adiamba’shi: “Tuekalanga mu mulongo wa bantomi ba maalua.” (Nkindji 23:20, EEM) Biabia, su atukumina kutoma maalua sunga patudi bupenka, tatutomanga ebungi alombene kuitushimisha binangu, kuluisha ngakuilo na bikitshino bietu, sunga kuluisha bukome buetu bua mbidi. Su t’atobesha kutoma na nkatshinkatshi, tui kuimika kutoma.

3. Tui kunemeka bitshibilo bia bangi pabitale kutoma maalua naminyi?

Muntu oso e na bulungantu bua kuata kitshibilo kia kutoma sunga kupela kutoma maalua. Tatui balombene kutshibila bangi kiimu su abakumina kutoma maalua na nkatshinkatshi, na tatui balombene kutakula muntu pa bukopo bua kutoma maalua su t’akumina kutoma. (Bena-Looma 14:10) Tatui balombene kutoma maalua su ntomeno etu akokosha bangi. (Badika Bena-Looma 14:21.) Tatukimbanga ‘akitulongamina atue ba nabene anka akilongamina namu bangi.’​—Badika 1 Bena-Kodinda 10:23, 24.

 TUKIMBUULE BOSO

4. Ata kitshibilo pabitale kutoma maalua

Yesu badi na mueneno kinyi pabitale kutoma maalua? Bua kupeta lualulo, tubande kutala kilengieleshi kia kumpala kibakitshine. Badika Yowano 2:1-11, akupu, nuisambile ino nkonko ayilondo:

• Nkinyi kiatulongiela kukiila ku kino kilengieleshi, pabitale mueneno a Yesu bua maalua na abeatomo?

• Bu bikale’shi Yesu ta mupele kutoma kua maalua, bena Kidishitu mbalombene kuikala na mueneno kinyi bua baaba abeatomo?

Biabia, bu bikale’shi muina Kidishitu e na bulungantu bua kutoma maalua, bino t’abilesha’shi e nka na kitungo kia kuiatoma nya. Badika Nkindji 22:3, na nutale ino mianda ayilondo biayidi ilombene kuikala na bukitshishi koodi pabitale kutoma kua maalua:

• P’otambusha mootoka sunga p’ofubisha biamo abifubu na motere.

• P’odi n’eyimi.

• Su munganga bakutosha bua’shi totomanga maalua.

• Su tue na mushindo wa kutoma na nkatshinkatshi.

• Su muiya wa mbulamatadi taukupa matalua a kutoma.

• Su we na muntu muate kitshibilo kia kupela kutoma muanda tabaadi obesha kutoma na nkatshinkatshi.

We mulombene kupa bantu maalua ku musangelo wa dibaka sunga ku ungi musangeelo kampanda su? Bua kuuka kilombene nkukuasha bua kuata kitshibilo, tala VIDEO.

Badika Bena-Looma 13:13 na 1 Bena-Kodinda 10:31, 32. Kunyima kua kubadika kifundue kioso, nuisambile luno lukonko alulondo:

• Kufubila dino eyi dia kulonda nkulombene nkukuasha bua kuata kitshibilo akisangasha Yehowa naminyi?

 5. Ata kitshibilo kia bungi bua maalua odia kutoma

Su okumina kutoma maalua, tentekiesha’shi: Sunga biekala’shi Yehowa t’apele bantu abatomo maalua, anka apele abakolua. Buakinyi? Badika Osea 4:11, 18, akupu nuisambile luno lukonko alulondo:

• Nkinyi kilombene kufuila muntu atomo maalua ebungi?

Nkinyi kilombene kuitukuasha bua kupela kutoma maalua ebungi? Abitungu tuikale na nkatshinkatshi, sunga kuuka p’emene mikalo yetu. Badika Nkindji 11:2, akupu nuisambile luno lukonko alulondo:

• Buakinyi bibuwa kuiyelela mikalo pabitale bungi bua maalua buatudia kutoma?

6. Kilombene kukuasha muntu bua kuleka kutoma maalua ebugi

 MU KIKOSO

Yehowa mmuitupe maalua bua’shi tuikale na muloo, anka mmupele kutoma maalua ebungi na kukolua.

Kuambuula

• Bible e na mueneno kinyi pabitale kutoma maalua?

• Kutoma maalua ebungi kui na masaku kinyi?

• Tui kunemeka bitshibilo bia bangi pabitale kutoma kua maalua naminyi?