DILONGIESHA 50
Kifuko kiobe nkilombene kuikala na muloo naminyi?—Kipindi 2
Bana nkia buntu akifiki kui Yehowa. Biabia, atekie baledi bua kupasukila kino kia buntu. Yehowa atusha malango ebuwa a kukuasha baledi bua kuibikita. Malango aye aalesha dingi kilombene kukita bana bua’shi kifuko kiabo kikale na muloo.
1. Yehowa mmupe baledi malango kinyi?
Yehowa atekie baledi bua kufula bana babo na kukishanga nabo nsaa ibungi pamune. Akumina dingi’shi baledi bakaluile bana babo ku masaku na kufubisha mayi a kulonda a mu Bible bua kuibalongiesha. (Nkindji 1:8) Alungula ba nsha bana’shi: “Mbikile buwa panukuete kuibakusha [bana benu] muyile abikiebe Yehowa.” (Badika Bena-Efeso 6:4.) Abisankishaa Yehowa pe baledi abalondo buludiki buaye nsaa y’abakusha bana babo kushi kupa bangi bantu buabua bushito bua kukusha bana.
2. Yehowa mmupe bana malango kinyi?
Yehowa alungula bana’shi: “Kookielayi benutande.” (Badika Bena-Kolose 3:20.) Nsaa i bana abanemeka baledi babo na kuibakookiela, abasankisha Yehowa mpa na baledi babo. (Nkindji 23:22-25) Yesu mmulekie kileshesho kibuwa pabadi kii mukinga. Sunga mbibadi mupuidikie, badi mukookiele na kunemeka baledi baye.—Luka 2:51, 52.
3. Nui kuifubuila boso buenu pepi n’Efile Mukulu mu kifuko naminyi?
Su we muledi, kushi mpaka okumina’shi bana bobe bafule Yehowa ngofu nka bu biodi mumufule. We kuibilombasha naminyi? P’obe kukita bino abiakula Bible’shi: “Weambuluile bana bobe [mayi a Yehowa] webalungule anka poshaala koobe na p’otambuka muishinda.” (Miiya Ikituulwe 6:7) “Kuambuula” akulesha kulongiesha muanda umune misango ibungi. Nka bu biowuku, abitungu kuambuula muanda umune misango ibungi, bua’shi bana bobe beutentekieshe. Kino kifundue akilesha’shi abitungu kukimba nsaa ya kuisambanga pa kiubishi na bana bobe pabitale Yehowa. Bi buwa kuatanga nsaa ya kukita lulanguilo lua mu kifuko pamune lubingo loso. Su tue na bana, nobe namu okapete bukuashi pa kuatanga nsaa ya kulonga Eyi di’Efile Mukulu ku lubingo loso.
TUKIMBUULE BOSO
Tutale mayele aakuasha muntu oso a mu kifuko bua kuipusha mu bulami na kuikala na muloo.
4. Longiesha bana bobe na kifulo
Bi kuikala lukalakashi bua kulongiesha muana. Bible mmulombene nkukuasha naminyi? Badika Shake 1:19, 20, akupu nuisambile ino nkonko ailondo:
-
Baledi be kulesha kifulo naminyi nsaa y’abesamba na bana babo?
-
Buakinyi t’abitungu’shi muledi anyokie bana p’adi na nsungu? a
5. Kaluila bana bobe
Bua kukaluila bana bobe, abitungu kuisamba na muana obe oso pabitale bipindi bia mbidi bia buufu. Bino ta mbibofule nya. Tala VIDEO, akupu nuisambile ino nkonko ailondo.
-
Buakinyi bi bukopo bua bangi baledi kuisamba na bana babo pabitale bipindi bia mbidi bia buufu?
-
Mu mushindo kinyi ubaadi bangi baledi bapatuluile bana babo pabitale bipindi bia mbidi bia buufu?
Anka bu bibadi Bible mupue kutemuka, ndumbuluilo a Satana kuete nka kuenda na kunyisha kuluila. Badika 2 Timote 3:1, 13, akupu nuisambile luno lukonko alulondo:
-
Bangi bantu bebubi b’abakuila mu verse 13 abaluisha bana na mianda i butete. Biabia, buakinyi bi na muulo bua’shi baledi balongieshe bana babo pabitale bipindi bia mbidi bia buufu, na bia kuikaluila abo banabene kui bantu abaluishaa bana na mianda i butete?
Oukanga su?
Ba Temwe ba Yehowa mbatushe bintu bibungi abikuasha baledi bua kulongiesha bana babo pabitale bipindi bia mbidi bia buufu na, bia kuikalaluila abo banabene kui bantu abaluishaa bana na mianda i butete. Bu kileshsho, tala:
-
Kaluila bana bobe (video)
-
“Longiesha bana bobe pabitale bipindi bia mbidi bia buufu” (Pasukayi! No. 5 2016)
6. Neemeka baledi bobe
Bana bakinga na ba nsongua be kulesha baledi babo kanemo ku mushindo w’abesamba nabo. Tala VIDEO, akupu nuisambile ino nkonko ailondo.
-
Buakinyi bi na muulo bua’shi nsongua ekale esamba na baledi baye na kanemo?
-
Mbikunyi bilombene nsongua kuisamba na baledi baye mu mushindo aulesha’shi ebanemeka?
Badika Nkindji 1:8, akupu nuisambile luno lukonko alulondo:
-
Nsongua e kukita kinyi nsaa ayimulungula baledi baye kiadia kukita?
7. Languilayi Yehowa pamune mu kifuko
Kifuko kioso kia ba Temwe ba Yehowa, akiataa nsaa kampanda ku lubingo loso bua kulanguila pamune. Luno lulanguilo lua mu kifuko ndulombene kuikala naminyi? Tala VIDEO, akupu nuisambile ino nkonko ailondo.
-
Kifuko nkilombene kuikala na programe a lulanguilo lua mu kifuko pa kiubishi naminyi?
-
Muledi e kukita kinyi bua’shi lulanguilo lua mu kifuko luikale luibuwa na bu nsaa ya muloo?—Tala kifuatulo ki ku mbangilo kua dino dilongiesha.
-
Nkinyi ki kuikala bu lukalakashi mu kifuko kiobe buanudia kulonga pamune?
Mu Isalele a kala, Yehowa batekiele bifuko buabidia kuisambanga pa kiubishi pabitale Bifundue. Badika Miiya Ikituulwe 6:6, 7, akupu nuisambile luno lukonko alulondo:
-
We kufubisha dino eyi dia kulonda naminyi?
Mishindo ya kukita lulanguilo lua mu kifuko:
-
Kulumbuula bisangilo bia kakongye.
-
Kubadika na kuisambila muanda kampanda wa mu Bible ausankisha kifuko kiobe.
-
Su we na bana bakinga, ata mu kamo sunga kutusha ku masaki Maasha a bana e mu jw.org.
-
Su we na bana batabadi ba nsongua, esambileyi umune wa ku miisambo ya ba nsongua wi mu jw.org.
-
Kitayi maasha a kileshesho bua kuipuandikisha bantu ba mu Bible ba kala na bana benu.
-
Nubandile video a mu jw.org. na numuisambile.
BANGI ABAMBA’SHI: “Bible e bukopo bukile bua’shi bana bakinga bamupushe.”
-
Obe namu omba naminyi?
MU KIKOSO
Yehowa akumina’shi baledi bafule, balongieshe, na bakaluile bana babo; bana banemekie na kukookiela baledi babo na’shi bena kifuko bamulanguile pamune.
Kuambuula
-
Baledi be kulongiesha na kukaluila bana babo naminyi?
-
Bana be kulesha baledi babo kanemo naminyi?
-
Kuata nsaa lubingo loso bua kukita lulanguilo lua mu kifuko kui na bukuashi kinyi?
TALUULA DINGI
Mmalongiesha kinyi e kukuasha bana bobe buabadia kukula kalolo?
“Malongiesha asamombo aatungu’shi bana balongie” (Pasukayi! No. 2 2019)
Tala malango ebuwa abatusha kui Bible bua baba abapasukila baledi babo babapu kukula.
“Bible akula kinyi pabitale kupasukila baledi abapu kukula?” (Muisambo wi mu Internete)
Tala bibadi ungi muntu shibadi auku bia kukusha bana mufikie bu nshe bana ebuwa.
Twi balongyeshibwe na Yehowa bwa kukusha kifuko kyetu (5:58)
Tala bilombene baledi kunyingisha kipuano kiabo na bana babo.
“Nshe bana e kushaala mu kipuano na bana baye naminyi?” (Kitenta kya Mulami, 1/11/2011)
a Mu Bible, “kunyoka” akulesha, kulongiesha bana na kuibakunkusha na kuibakuasha bua kushintuula ngielelo abo a binangu sunga muikelo wabo wibubi. Kadi t’akulesha kukiengiesha bana sunga kuikala nabo bukielo.—Nkindji 4:1.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
