Pabadi Yehowa muitupangie, badi muitupe kia buntu ki na muulo ukata​—ngobesha ya kuakula. Mushindo watufubisha kino kia buntu wi na muulo kuadi su? Oolo wi na muulo! (Badika Shake 1:26.) Biabia, tui kufubisha ngobesha yetu ya kuakula mu mushindo ausangasha Yehowa naminyi?

1. Tui kufubisha kino kia buntu kia kuakula naminyi?

Bible etulungula’shi “ekankamisheneyi ku muntu na muntu, nuikuashene.” (1 Bena-Tesalonika 5:11) Ouku bantu be na lukalo lua kunyingishibua su? We kukita kinyi bua kuibakuasha? Ebashinkamiishe’shi be na muulo koodi. Pangi we kuibalungula ngikashi ibuwa yabadi nayo ayikusankisha. Ouku kifundue kilombene kunyingisha muntu ouku su? Kui bifundue bibungi biodia kusangula. Tentekiesha’shi, mushindo olungula muntu muanda kampanda wi kuikala na bukitshishi bukata kukila bishima biokula. Biabia misango yoso, ikala wakula na kalolo na luishinko.​—Nkindji 15:1.

2. Ngakuilo kinyi atungu’shi tushikue?

Bible amba’shi: “Kishima ki bubi su nkimune takia kutuuka mukanua muenu.” (Badika Bena-Efeso 4:29.) Bino abilesha’shi tatua kufubisha ngakuilo ebubi sunga kuakula mu mushindo wibubi, autapa bangi ku mashimba. Abitungu dingi tushikue tuipu, na kupalakesha bangi bantu mianda ya madimi.​—Badika Nkindji 16:28.

3. Nkinyi akitukuasha bua kuakula mu mushindo aunyingisha bangi?

Misango ibungi, mianda y’atuakula ayikambaa kulesha bi muishimba, sunga mu binangu bietu. (Luka 6:45) Biabia abitungu tuitatshishe bua kutuula binangu bietu ku bintu bibuwa, bintu bilulame, bi na kineemo, bilombene kufudibua, na biabia bilombene kukanyibua. (Bena-Fidipe 4:8) Bua kutuula binangu ku bino bintu, abitungu tusangule mushindo wa kukisha kapapi na ba kuku betu na binangu. (Nkindji 13:20) Dingi, abitungu kunangushena kumpala kua kuakula. Tala bukitshishi bui nabo bishima biobie kui bangi. Bible amba’shi: ‘Myanda ya bwakul’akule ngilombene kutapa muntu bu lupete lua ngoshi, anka ludimi lwa basha binangu alupashanaa.’​—Nkindji 12:18.

 TUKIMBUULE BOSO

4. Taluula ngakuilo obe

Ingi nsaa, atue boso atuakulaa mianda ayituinyongosha kunyima. (Shake 3:2) Badika Bena-Ngalatea 5:22, 23, akupu nuisambile ino nkonko ailondo:

• Ku ino ngikashi yoso, we kuteka Yehowa bua’shi akupe eyikashi kinyi dilombene nkukuasha bua kutaluula ngakuilo obe? Ino ngikashi i kukukuasha naminyi?

Badika 1 Bena-Kodinda 15:33, akupu nuisambile luno lukonko alulondo:

• Ba kuku na mishindo ya kukisha kapapi y’osangula bi kuikala na bukitshishi kinyi ku ngakuilo obe?

Badika Mulungudi 3:1, 7, akupu nuisambile luno lukonko alulondo:

• Nsaa kinyi ibuwa kuumiina sunga kutengiela bua kuakula muanda?

 5. Ikala na ngakuilo ebuwa pabitale bangi

6. Ikala na kalolo nsaa yuesamba na kifuko kiobe

 MU KIKOSO

Mayi atuakula e kutapa bangi ku mashimba. Biabia, abitungu tunangushene kalolo pabitale biatuakula, nsaa ya kuibiakula, na mushindo w’atuibiakula.

Kuambuula

• Mmu mishindo kinyi modi mulombene kukuasha bangi mu ngakuilo oobe?

• Ngakuilo a mushindo kinyi odi mukumbene kushikua?

• Nkinyi ki kuitukuasha bua kuikala misango yoso na kalolo na kunyingisha bangi mu ngakuilo etu?