DILONGIESHA 55
Kuatshishena kakongye kenu
Mu nsenga ishima, midiyo ya bantu ikuete kulanguila Yehowa na muloo mu tukongye. Be na lutumbu bua malango na buludiki bia bakuete kupeta, na abakuatshishena tukongye tuabo mu mishindo ilekenelekene na muloo. Nyi biokuete kuipusha pabitale kakongye kenu su?
1. Mmu mishindo kinyi modi mulombene kufubisha nsaa na bukome bobe bua kukuatshishena kakongye kenu?
Oso a kuatudi mulombene kukuasha kakongye. Bu kileshesho, mu kakongye kenu nui na bantu banunu sunga be na bilema? We bia kuibakuasha bua nkafika ku bisangilo? Sunga kuibakuasha bua kuibateekiela kakudia, sunga kuibakuasha bua kuibakitshina ingi midimo ya mu nshibo su? (Badika Shake 1:27.) Tui kukuasha dingi mu kusula na kulama Nshibo yetu ya Bufumu. Ta kui muntu etukitshisha bua kukita ino mianda nya. Kifulo kietu bu’Efile Mukulu na bua bakuetu nyi akitutakula ‘bua kuipana atue [banabene].’—Misambo 110:3.
Ba Temwe babatshishibue be kukuatshishena kakongye mu ingi mishindo. Bantu balume balombashe mianda itekibue mu Bible be kukuatshishena kakongye bu bafubi ba midimo sunga bu bakulu. Bakuetu balume na bakashi be kukuatshishena mudimo wa bulungudi pa kuata mudimo wa bu mbala-mashinda. Bangi bakuetu mbalombene kukuasha mu kuibaka mashibo a lulanguilo sunga kuenda mu ingi mbalo yabadi na lukalo na bukuashi mu kakongye mu ingi mishindo.
2. Tui kufubisha bintu bietu bia ku mbidi bua kukuatshishena kakongye naminyi?
Tui “kutumbisha Yehowa na bintu [bietu] bia muulo.” (Nkindji 3:9, NWT.) Atuibimona bu kinemo kikata kiakutusha bintu bietu bia ku mbidi na bingi bintu bua kukuatshishena kakongye sunga mudimo wa bululngudi mu nsenga ishima. (Badika 2 Bena-Kodinda 9:7.) Bia buntu bietu abikuasha dingi bua kukuasha bantu bapete masaku. Be bungi abakuminaa kutula ‘kintu ku lupese’ pa kiubishi bu kia buntu. (Badika 1 Bena-Kodinda 16:2.) We kutusha bia buntu mu kashete ka bia buntu mu ma mbalo etu a lulanguilo, sunga ku Internete pa mbalo ifunde’shi: donate.pr418.com. Yehowa etupa mushindo wa kulesha’shi tuibamufule ku mushindo watusangula bua kufubisha bintu bietu bia ku mbidi.
TUKIMBUULE BOSO
Tutale mishindo yodi mulombene kukuatshishena kakongye.
3. Tui kufubisha bintu bietu bia ku mbidi
Yehowa na Yesu mbafule baba abatushaa na muloo. Bu kileshesho, Yesu bamuene ungi muana mukashi kilele mulanda na kuitatshisha kuaye bua kutusha kia buntu. Badika Luka 21:1-4, akupu nuisambile ino nkonko ailondo:
-
Buatudia kusankisha Yehowa, abitungu’shi tutushe’nka bia buntu bi bungi?
-
Yehowa na Yesu abapusha naminyi bua bia buntu biatutusha na muloo?
Bua kuka bi’atufubishaa bia buntu bietu, tala VIDEO. Akupu nuisambile luno lukonko alulondo.
-
Abafubisha bia buntu naminyi bua kukuasha tukongye tua mu nsenga ishima?
4. Tui kutusha nsaa yetu bua kukuasha
Mu mafuku a kala, balanguidi ba Yehowa babadi abafubu na kisumi bua kulama kalolo ma mbalo abo a lulanguilo. Bino tabibadi abitungu penda kutusha bia buntu bia makuta nya. Badika 2 Myanda 34:9-11, akupu nuisambile luno lukonko alulondo:
-
Muina Isalele oso badi akuasha bua kulama nshibo ya Yehowa sunga mbalo ya lulanguilo naminyi?
Bua kumona abilonda ba Temwe ba Yehowa kiakia kileshesho kia mu Bible, tala VIDEO. Akupu nuisambile ino nkonko ailondo.
-
Buakinyi bi na muulo kulama Nshibo yetu ya Bufumu na mankenda na kuiyibamba?
-
Mu ingi mishindo kinyi modi mulombene kukuasha?
5. Bakuetu balume be kulombasha mianda itekibue bua kupeta mashito
Bifundue abinyingisha bena Kidishitu bana balume buabadia kukita muabu moso bua kukuatshishena kakongye. Bua kumona kileshesho kimune, tala VIDEO. Akupu walule ku ino nkonko ailondo
-
Muyile bibatumono mu video, Ryan badi muipane naminyi bua kukuatshishena kakongye ngofu?
Bible alesha mianda aitungu kulombasha bua kuikala bu mufubi a midimo na bu mukulu. Badika 1 Timote 3:1-13, akupu nuisambile ino nkonko ailondo:
SU MUNTU AKUIPUSHA’SHI: “Ba Temwe ba Yehowa abapeta makuta a kufubisha midimo yabo kuikunyi?”
-
We kumualula naminyi?
MU KIKOSO
Yehowa asankila bikata kuitatshisha kuetu bua kukuatshishena kakongye na nsaa yetu, bukome, na bintu bietu bia ku mbidi.
Kuambuula
-
Tui kufubisha nsaa na bukome buetu bua kukuatshishena kakongye naminyi?
-
Mbikunyi biatudia kufubisha bintu bietu bia ku mbidi bua kukuatshishena kakongye?
-
Mu mishindo kinyi m’okumina kukuatshishena kakongye?
TALUULA DINGI
Tala buakinyi Efile Mukulu t’ateka dingi balanguidi baye bua kutusha ki’ekumi.
“Bible akula kinyi pabitale kutusha ki’ekumi?” (Muisambo wi mu Internete)
Tala akipatula kulombasha mianda itekibue ‘bua kupeta mashito’ mu kakongye.
“Okuete ‘kukimba bua kupeta mashito su?’ (Kitenta kya mulami, 15/9/2014)
Tala abipana bangi bakuetu be n’eshimba dinyingie bua kusemuina bakuabo bena Kidishitu mikanda.
Tala biatupeta makuta a kufubisha midimo yetu mu mushindo wilekene ngofu na bingi bipuilo.
“Ba Temwe ba Yehowa abapetaa makuta a kufubisha midimo yabo kwikunyi? (Muisambo wi mu Internete)
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
