1. Efil’etu nyi nsha lusa,

Lusa lwê ndwa binyibinyi.

Asangalaa na bibuwa

Alombasha nkalo yetu.

Kwi abelanga kwishimba

Atemesha nteko yaabo.

Auku shi twi lufufi,

E na lusa na kalolo.

2. Nsaa y’atukitshi mulwisho,

Atuteky’Efile lusa,

Yesu, mmuleshe, mushindo

Wa kuteka lusa bino:

“Etulekyele mabaasa,

Nka byatulekyelaa bangi.”

Atukatusha mushikwa,

Bwashi tupete butaale.

3. P’atufwila bangi lusa,

Atwibalesha kalolo.

Kushii kwibateka ntumbo,

Mpenda bwashi basangale.

Efile amono byoso,

Aye etupa efuto.

Muloo wi kwi baasha lusa,

Efile mwibakumiine.