Mukanda wa kasatu wa Yowano 1:1-14
1 Ami muntu mukulu* nafundila mukuetu a kifulo Gayuse andi mufule bikata.
2 Mukuetu a kifulo, natekie Efile Mukulu bua’shi mianda yobe itungunukie na kuenda kumpala na kuikala na mbidi bukome, nka bu biodi binobino.
3 Muanda ne mupushe muloo ukata pafikile bakuetu, mbatuushe bukamonyi pabitale bia binyibinyi bi moodi, na biokuete kutungunuka na kutambukila mu bia binyibinyi.
4 Ntshi na muanda ukata aumpeyaa muloo* bu uno, wa kupusha’shi bana bande bakuete kutungunuka na kutambukila mu bia binyibinyi.
5 Mukuetu a kifulo, okuete kulesha lulamato lobe mu mianda yokuete kukitshina bakuetu, sunga biekala’shi mbekale benyi kodi.
6 Mbatuushe bukamonyi buibuwa pabitale kifulo kiobe kumpala kua kakongie. P’abakatuka bua kualukiila, ebakuashe mu mushindo ausankisha Efile Mukulu.
7 Mpa muanda w’eshina di’Efile Mukulu pabekeele batuukie kushi kuata kintu su nkimune kui bantu ba miilo.
8 Biabia, tui mu kitungo kia kukuukila na kalolo bantu be biabia, bua’shi tufube pamune bua kuyisha bia binyibinyi kumpala.
9 Ne mufundile kakongie muanda kampanda, anka Diotrefese akumiina kuituula pa mbalo ya kumpala munkatshi muabo, t’akumiina muanda wa kuatudi su ngumune na kanemo.
10 Nyi buakinyi su nafika, nakaukisha patooka bikitshino biaye, biakuete kupalakasha mianda ibubi pabitutale. Kukaasha biabia, kuete kupela kukuukila bakuetu na kanemo; na baaba abakumiina kuibakuukila, kuete kukimba kuibakutshishua na kuibatuusha mu kakongie.
11 Mukuetu a kifulo, tuambulanga mianda ibubi, anka ambula mianda ibuwa. Yawa akitshi mianda ibuwa, afiki kui Efile Mukulu. Anka yawa akitshi mianda ibubi, taukile Efile Mukulu.
12 Bakuetu boso bakuete kuakula bibuwa pabitale Demetriyuse. Na bia binyibinyi abishinkamisha uno muanda, biabia n’atue namu atutuusha bukamonyi buibuwa pabimutale, na ouku’shi bukamonyi buatutuusha mbua binyibinyi.
13 Ne na bintu bibungi bia nkufundila, anka ntankumiina nkufundila bianka na lusala* na mema a mukanda.
14 Biabia, nakulupila nkumona binobino, bua’shi tuisambe mpala kua mpala.
Butaale buikale nobe.
Bakuetu abakutumina mioyo. Ngimuine bakuetu be kuakua muntu oso muishina diaye.
Mayi e mushi mwesaki
^ Sunga “mukulu mu kakongie.”
^ Sunga pangi “muanda wa kulesha lutumbu.”
^ Kish ku kish. “mutshi wa mukanda.”
