KITENTA KYA MULAMI No 1 2018 | Bible ki’nka na muulo lelo uno su?
BIBLE KI’NKA NA MUULO LELO UNO SU?
Mu uno ndumbulwilo mwi myanda ya bu nsendwe yende kumpala ayikwasha batu bwabadya kuuka myanda ibungi, Bible mwikale mukanda wa kala ki’nka na muulo su? Bible akula’shi:
“Kifundwe kyoso nkiyokyelwe kwi Efile Mukulu na nkipwandikile.”—2 Timote 3:16, Kilombeeno kipya 2014.
Kino Kitenta kya Mulami akilesha myanda ayitushinkamisha’shi, Bible mmulombene kwitukunkusha mu nshalelo eetu a ku efuku n’efuku.
Bukunkushi bwa Bible bwi na muulo lelo uno su?
Bu byakudi myanda ayituuku ku minite yoso lelo uno, bwakinyi kukimba bukunkushi mu mukanda ubapu kukita bipwa bikile pa 2 000?
Binangu bi mu malongyesha a mu Bible mbya ikalaika
Pamutwe pa kwikala bu mukanda ubapu kukisha mafuku, malongyesha a mu Bible e na miya na mayi a kulonda e na muulo na ashi akishe mafuku.
Myanda ya mu Bible ngipwe kukisha mafuku su abadi beyakule kumpala?
Bible ta mukanda wa siyanse nya, kadi e na myanda ya siyanse ilombene nkukemesha.
1 Bible akukwasha bwa kusuuka myanda
Tala mushindo wabadi bakwashe bantu bwabadya kusuuka imo myanda ibukopo kwi binangu by’Efile Mukulu.
2 Bible akukwasha bwa kupudisha myanda
Bible etupa malango aetukwasha bwa kupudisha myanda i bukopo na ayitwinyongosha, bu katshim’a munda kakilekile, kulongyelalongyela kwa myanda, na kwipusha bu e bupenka.
3 Bible akukwasha bwa kunyingiila myanda
Twi kwamba naminyi bwa myanda yatushi balombene kusuuka sunga kupudisha, bu mukumbo ushi’aupu sunga lufu?
Bible na nshalelo oobe a mu mafuku aafiki
Eyi dy’Efile Mukulu ndilombene kwitukwasha bwatudya kupudisha myanda yatudi nayo binobino—myanda ya mu nshalelo a kwifuku n’efuku yatufumankana nayo boso bwewtu mu uno ndumbulwilo mulwile. Anka Bible temena nka papa nya. Etukwasha dingi bwatudya kumona myanda ibuwa yatukapete mu mafuku aafiki.
Opwandikisha naminyi?
Banda kutala abyakula bangi bantu na abyakula Bible aye nabene pa luno lukonko.
