BWA BANA
9: Bumuntu
ABULESHA KINYI
Bumuntu bobe ta mbufudiile kwishina na ku byomweneka pasha nya. Mbutale myanda yokumiina, lukumiino, na mwikeelo. Eyendo, bumuntu mbusangishe byooso bikwikashe byabya byodi—munda na pasha.
BWAKINYI BWI NA MUULO
Su we na bumuntu bunyingye, okalwila lukumino lobe pamutwe pa kutadiila bakuuku bakukunkushe.
“Bangi bantu be bu bifwatulo byabapudikaa bilamba byabapana mu makashinyi. Tabasangulaa bilamba bya kufwala; abebasangwilaa.”—Adrian.
“Ne mulongye bya kukalwila myanda ibuwa sunga byekala bukopo bwa kwibikita. Namba shi bantu kampanda mbakuuku bande muyile byakitshi na mushindo wankitshi pandi nabo.”—Courtney.
EYI DYA KULONDA DYA MU BIBLE: “Tanwikalanga mumune na kino kipungo; anka nwikale baaluulwe pa kushintusheena kupya kwa mpushiisho enu.”—Bena-Loma 12:2, Kilombeno kipya 2014.
KYODY’A KUKITA
Etatshishe bwa kuuka su lelo uno we muntu kinyi na su okumiina kufika muntu kinyi po’be kutaluula ngobesha yoobe, kubofula koobe na myanda yoodi mutudile eshimba. Mushindo wibuwa wa kubangi nyi kwiyela ino nkonko ayilondo.
Ngobesha: Ngobesha na mayele kinyi andi nao? Mmu myanda kinyi mwandi bukome? (Bu kileshesho: Nanemekaa nsaa? ne na lwishinko? Katshintshi mu mudimo? kalolo ka kupaana?) Myanda kinyi ibuwa yankitaa?
KINANGU: Tobesha kumona myanda yoobe ibuwa? Ipusha muledi sunga mwino’be otudila eshimba akulungula ngobesha yamono moodi na bwakinyi amono shi we nayo.
EYI DYA KULONDA DYA MU BIBLE: “Anka muntu ooso atoompe mufubo waye’ye nabene na papa amone bia kwitumbisha, penda mu’ye nabene, kushii mu mwanda wa mungi.”—Bena-Ngalatea 6:4, Kilombeno kipya 2014.
Kubofula: Myanda kinyi itale bumuntu bwande ayitungu shi ndumbuule? Nsaa kinyi yandi mulombeene kufumankana na kutompibwa? Mu myanda kinyi amutungu shi ngikale na lwishinko lukata?
EYI DYA KULONDA DYA MU BIBLE: “Su atwakula’shi tatwina bubi, atwidimbi’twe banabene, n’eyendo tadi mwatudi nya.”—1 Yowano 1:8, Kilombeno kipya 2014.
Myanda yoodi mutudile eshimba: Miiya kinyi itale mwikeelo yanemeka na mbwakinyi? Ne mukumiine mwi Efile Mukulu? Kishinkamiisho kinyi akinkuminyisha shi Efile Mukulu e kwanka? Myanda kinyi yamonaa shi ta ngilulame, na bwakinyi? Myanda kinyi yoodi mutudile eshimba pabitale mafuku e kumpala?
EYI DYA KULONDA DYA MU BIBLE: “Kapatupatu akakukunkusha, kinangu akikulama.”—Nkindji 2:11.
Tala dingi
Muyaluulo ku nkonko 10 yabeyipushaa kwi bansongwa
Ne muntu e naminyi?
Kwikala mushinkamishe bi kinemo kyobe, ngobesha, kubufola, na twipatshila mbilombeene nkukwasha bwa kwata bitshibilo bibuwa nakinangu nsaa ya bakukakasha kwi benoobe.
