Atue booso atuikalaa na nsaa ipeela ya kuilongiela pa bupenka. Tui kufubisha ino nsaa kalolo mushindo kinyi? Kia kumpala, ata nsaa ibungi bua kuilongiela. Okapete bukuashi mu kuilongiela koobe su okuete kulonga mianda ipeela, pamutue wa kulonga ibungi musango umune.

Kia kabidi, sangula ingi mianda i na muulo ukata yodia kuilongiela. (Ef. 5:15, 16) Taluula bino binangu abilondo:

• Badika Bible efuku dioso. (Mis. 1:2) Programe a kubadika kua Bible a bisangilo bia munkatshi a lubingo, nyi mushindo wibuwa wa kuitukuasha bua kubanga kuibadikila.

• Lumbuula Kitenta kia Mulami kia kulonga na bisangilo bia munkatshi a lubingo. Ekala muilumbule bua kutuusha ngaluulo.—Mis. 22:22.

• Bu biodi na nsaa, we kuiatshila kipindi kia kuilongiela bingi bidibua bia mu kikudi bu: Ma Kitenta kia Mulami kia bantu booso, ma video, na ingi mianda wabatushaa mu jw.org.

• Kita programe a kuilongiela. We kukimbuula pabitale nkalakashi y’okuete kupeta, pabitale nkonko ibopete, sunga pabitale muanda kampanda wa mu Bible y’okumiina kupusha bibuwa. Bua kupeta binangu, tuela pa mbalo ifunde’shi: “Explore la Bible!” i mu on jw.org.