1. 1. SATANA DIABULU. Satana, muikeylu mutombokie, aye nyi kuete kufuisha mushikua w’atumono lelo uno. Efile Mukulu akakatusha Satana na booso be ku matalua a mushikua waye.​—Misambo 37:38; Bena-Looma 16:20.

2. 2. NDUMBULUILO A SATANA MUULE NA MUSHIKUA. Efile Mukulu akakatusha bintu bi bubi bioso bi pano pa nsenga, mpa na bakata ba politike na ba bipuilo abatakula bangi mu kuikala na mushikua. Efile Mukulu akakatusha dingi ndumbuluilo a busunga e na luabi kuete kukiengiesha bantu.​—2 Mpyeele 3:13.

3. 3. KUKUTUA KUA KUPUIDIKA KUA BANTU. Bible apatuula’shi bantu booso mbapiane kukutua kua kupuidika, lukalo lua kunangushena, kupusha, na kukita mianda i bubi. (Bena-Looma 5:12) Kimune kia ku bino bintu nyi ndukalo lua kuikala na mushikua mpa na kushikua bangi. Efile Mukulu aketukuasha buatudia kukambila bino binangu bia kukutua kua kupuidika bua losoo.​—Yeeshaya 54:13.

1. 1. TA KUI MUNTU ABAKAKITSHINA MIANDA YA KUKUTUA KULULAMA. Nsenga ayikala ku bukunkushi bua Bufumu bu’Efile Mukulu, abukamunana muiyilu na kufuisha kululama pa nsenga. (Ndanyele 2:44) Ntondo na kushikua bangi bantu tabikala kuanka dimo. Efile Mukulu akalumbuula kukutua kua kululama kooso kukuete kumona bantu lelo uno.​—Luka 18:7.

2. 2. MUNTU OOSO EKALA MU BUTAALE. Ta kui muntu akakiengie muanda w’etombo sunga ngoshi nya. (Misambo 46:9) Bantu booso be pa nsenga abakafulu butaale na nsenga ayikala mbalo i buwa kushaala.​—Misambo 72:7.

3. 3. BANTU BOOSO ABEKALA NA MUWA WA LOSOO MU NSHALELO E BUWA. Bantu booso pa nsenga abakeleshena kifulo kia binyibinyi. (Mateo 22:39) Ta kui muntu akakalakashua na binangu sunga kutentekiesha mianda i bubi nya. (Yeeshaya 65:17) Nsaa ayikala bantu ta be na mushikua dingi “abasangeela mu butaale bw’eyendo.”​—Misambo 37:11.

Okulupila kuikala na muwa mu nsenga i biabia su? Sunga mbinobino, bantu be bungi bakuete kulonga bia kukatusha mushikua pa kutumikila malango a mu Bible. (Misambo 37:8) Bino nyi biabakuete kukita kui Tumonyi tua Yehowa mu nsenga ishima. Sunga bekala ba tubila na ma mbalo elekene, be mu buumune na mbefulene.​—Yeeshaya 2:2-4.

Tumonyi tua Yehowa atuikala na muloo wa nkulungula biabadi balongie pabitale bia kukila na kukutua kua kululama na kuelela kua bangi binangu bi bubi. Mianda y’olongo ngilombene nkukuasha bua kuenda na kukatusha mushikua bua kutuesha kifulo pa mbalo yawikalanga. Okamono biodia kukitshina bangi mianda na kalolo kooso, sunga kui baaba bashi na lutumbu na be na mushikua. Su bokitshi biabia, wekala na muloo wi bungi kubanga binobino na kipuano kiobe na bangi akilongama. Kukatusha biabia, okalongo kiodia kukita bua kuikala mu Bufumu bu’Efile Mukulu nsaa yikala mushikua ta wi kuanka bua losoo.​—Misambo 37:29.