Su ta mbiabia, ouku’shi uno muanda wi mbalo yooso mu mishindo i bungi. Ku kisaashi na mu ma jurnale abakula ngofu muanda wa ntondo y’ekoba, kutambuka lusandi, mushikua wa bisamba, mushikua wa bisaka bia bantu kampanda, atupusha abakula pabitale bantu babakuete kukiengiesha muanda wa’shi abatuukila muiwumbo kampanda, be na dingi ekoba, sunga muanda wa’shi mbantu abeatenaa mulume na mulume, na mukashi na mukashi. Nyi buakinyi mbulamatadi i bungi ikuete kuela miiya pabitale kikitshino kioso akilesha mushindo kampanda wa mushikua.

Mushikua autandaa mushikua wi bungi. Bantu babadi bashikue abashikuaa namu bangi na kuibakitshina bi bubi, bi nka bu kipombo akiende na kuifunya kushii muntu a kuikimika.

Pangi mbakuleshe ntondo, nkuelela binangu bi bubi, nkusenga, nkukaa, na nkukiengiesha. Anka, mushikua aumuenekaa awendaa mpaa na kula. Misango i bungi aumuekaa mu kukupila bantu, kuibakitshina mianda i bubi, kuibayiba, kuipayipaa, sunga kukimba kubutula kisamba nkampanda.

Uno jurnale akiebe kualuula ku ino nkonko na kulesha mushindo wa kukambila mushikua:

• Buakinyi kui mushikua wi bungi bino?

• Mmushindo kinyi wa kukambila mushikua?

• Kui efuku adikashimina mushikua bua losoo su?