MU Dya Kasatu kunakashika 24/1/2018 kifuko kya Betele a mu États-Unis na kya mu Canada abikalanga na muloo wa kupusha musase awamba’shi: Mukwetu Kenneth Cook, Jr., batwele mu Kasaka ka Bakunkushi-Bakulu ka ba Temwe ba Yehowa.

Mukwetu Cook mmutandikwe na kukudila mu Pennsylvanie, U.S.A. Badi mulongye bya binyibinyi kwi mulongi naye kumpala kwa kupudisha kalasa na badi mubatshishibwe mu 7/6/1980. Babangile mudimo wa nsaa yoso wa bu mbala-mashinda a myeshi yoso mu 1/9/1982. Kunyima kwa kufuba bu mbala-mashinda munda mwa bipwa bibidi, abadi bamwitanyine ku Betele, babangile mudimo ku Betele a Wallkill, mu New York, mu 12/10/1984.

Mu bipwa 25 bibalondele, Mukwetu Cook badi mufube mifubo ilekene, mu yoso badi mufube mu departema a Kutusha mikanda na mu Biro bya Betele. Badi mwibakile mukashi aye, Jamie, mu 1996, na aye nkutwela namu’nyi mu mudimo wa Betele ku Wallkill. Mu mweshi wa 12 mu 2009, Mukwetu Cook na mukashi aye, babebatumine ku mbalo ikata ya malongyesha a Watchtower mu Patterson, mu New York, kwakwa Mukwetu Cook abamutudile bwa kufuba mu Departema atambulaa mikanda ayifiki mu angi maumbo. Mu mweshi wa 4 mu 2016 kunyima kwaye kwaluka ku Wallkill, mukwetu Cook na mukashi aye babebatumine ku Brooklyn mu New York. Kunyima kwa myeshi itano, babayile ku biro byetu bikata bya nsenga ishima ku Warwick mu New York. Mu mweshi wa 1 mu 2017, Mukwetu Cook ayikalanga musangudibwe bwa kukwasha mu Komite a Kufunda a Kasaka ka Bakunkushi-Bakulu.