UNGI mususa Yesu bambile’shi: “Muloo wa kupaana ngukile kupebwa.” (Bikitshino 20:35) Uno mwanda wa binyibinyi ngutale mpa na kipwano kyetu na Yehowa. Bwakinyi? Twi bapete bya buntu bibungi byabadi betupe kwi Yehowa abitwikasha na muloo, anka twi balombene kupeta muloo wibungi nsaa yatupa Yehowa kya buntu. Nkya buntu kinyi kyatudi balombene kupa Yehowa? Mukanda wa Nkindji 3:9 awamba’shi: ‘Tumbisha Yehowa na bintu byoobe bya [muulo].’ Mu “bintu byetu bya muulo” mwi nsaa yetu, ngobesha yetu, bukome bwetu, na bintu byetu bya ku mbidi. Nsaa yatufubu na bino bintu bwa kuyisha lulangwilo lwa Yehowa kumpala, atumupa kya buntu, na kukita bino akwitupetesha muloo wi bungi.

Pabitale bintu byetu bya ku mbidi, nkinyi kilombene kwitukwasha bwa kupela kulenguula kupa Yehowa bya buntu? Mpoolo mutumibwa balungwile bena Kodinda bwabadya ‘kutuula ku lupese kyabo kintu” bu kya buntu. (1 Beena-Kodinda 16:2) We kukita naminyi su okumina kuuka myanda ibungi pabitale mishindo yodi mulombene kutusha bya buntu mu teritware eenu? Tala kano kashibo ke kuushi.

Kutusha bya buntu ku Internete takukitshikaa mu maumbo oso nya. Anka, myanda ayilesha mushindo wa kutusha bya buntu mu ingi mishindo we kwiyipeta ku Internete. Mu angi maumbo, mu Internete mwi mbalo ayaluula ku nkonko yabakambaa kwela kwi bantu pabitale kutusha bya buntu.