Nfundjilo a mu ki na Ebelu akwasha bwa kupeta mpushisho ebungi. Pa mwanda wa byabya, ino myanda ayilondo ayikwasha bwa kupeta mpushisho ebuwa:

1. Tala bi mu angi ma verse. Mwaku “byabya” wabadi bafunde mu verse 12 aulesha’shi myabi ayilondo mu verse 12 na ku 14 ngitale bantu balulame—baba abatekye bwa ‘kupashibwa’ kwi mubi (verse 11). Bino binangu abisanganyibwa mu verse 15, mwabadi bafunde mwaku “muloo” misusa ibidi awisambila bantu bamune​—baba ‘be na Yehowa bu Efile Mukulu!’

2. Uno mpushisho mwipushene na angi ma verse a mu Bible aalesha milayilo ya myabi y’Efile Mukulu kwi bantu baaye basha lulamato. Uno musambo aulesha lukulupilo lwibuwa lwa Daavide kunyima kw’Efile Mukulu kufungusha beena Isalele kwi beshikwanyi nabo, apa bantu mwabi wa muloo na kwiyikeela. (Beena-Levi 26:9, 10; Miiya Ikituulwe 7:13; Misambo 128:1-6) Kileshesho, mukanda wa Miiya Ikituulwe 28:4 aulesha’shi: “Anukatanda bâna bebungi, na kwikala na byumbulwa bibungi. Nyema yenu ya ngombe na ya mikôko ayiketandêna.” Kushi mpaka, mu mafuku a bufumu bwa Salomone mwana a Daavide, mwilo wa Isaleele ubapetele butaale bwibungi na kwiyikela. Na dingi, ingi myanda ya mu kumunana kwa Salomone ibadi itale bufumu bwa Mesiya.​—1 Banfumu 4:20, 21; Misambo 72:1-20.

Bwa kufudisha, uno mpushisho a Musambo 144 akwasha bwa kupusha kalolo lukulupilo lwibuwa lwa bafubi ba Yehowa—kiimu ky’Efile Mukulu kwi bantu babi nkilondene na kufwisha kwa kufukama na kwiyikela kwa balulame.​—Misambo 37:10, 11.