Efile Mukulu nnanyi?
Bantu bebungi abambaa’shi mbakumine mwi Efile Mukulu. Anka su bwebepusha’shi nnanyi, abakwalula bilekene. Bwa bangi, Efile Mukulu nsushi ebubi, akuminaa penda kunyooka bantu bwa bikitshino byabo bibubi. Kwi bangi namu, ena kifulo na afwilaa bantu lusa, sunga bakita kinyi. Anka bangi abamba’shi Efile Mukulu e kula na t’etatshishaa bwetu. Nsaa yabebalungula ino myanda yooso, bantu bebungi mbakumbene kumona’shi bi bukopo bwa kuuka bi Efile Mukulu.
Bi na muulo bwa kuuka Efile Mukulu su? Oolo. Kuuka bi Efile Mukulu nkulombene nkupa nshalelo e na kepatshila. (Bikitshino 17:26-28) Nsaa ywefubwila pepi ngofu n’Efile Mukulu, akufulu na nkukwasha. (Shake 4:8) Ku nfudilo a byoso, nsaa yopete kiukilo ky’Efile Mukulu akikutwala ku muwa wa ikalaika.—Yowano 17:3.
We mulombene kuuka Efile Mukulu naminyi? Banda kupwandikisha na muntu ouku kalolo, bu kuuku obe a p’eshimba. Bwabwa bu kuuku bwenu mbutame naminyi? We mubangye kuuka eshina dya yawa muntu, ngikashi yaye, byadi mufule na byadi mushikwe, mpa na myanda yadi mukite na yakumina kukita mu mafuku e kumpala, mpa na ingi myanda. Bino ngi bikukakye pepi na yawa muntu—we mulongye pabitale nshaleelo aaye.
Mu mushindo umune, twi balombene kuuka Efile Mukulu pa kutaluula ino myanda ayilondo:
Uno jurnale mbamukite bwa kutusha ngalulo ya mu Bible ku ino nkonko. Ino miisambo tayikukwasha penda bwa kulonga bi Efile Mukulu nya, kadi ayikukwasha dingi bwa kuuka kyopete su bodi naye kipwano.
Tala dingi
KITENTA KYA MULAMI
Eshina dy’Efile Mukulu nnanyi?
Bouku’shi Efile Mukulu e na penda eshina dimune adilesha nka penda byadi’ye nabene su?
