“Panutekye, tanwambulanga bishima.”​—Mateo 6:7, Esambi dipya.

Yehowa takuminaa’shi twikale atwambuula nteko yatudi balamiine mu binangu sunga kwiyibadika mu mukanda wa nteko. Anka akuminaa’shi nteko yetu ikatukile mwishimba. Bi lukalakashi lukile kwikala na kuuku akulungula’nka myanda imune imune efuku dyoso. Ba kuuku bebuwa, abelungushenaa myanda patoka ayikatukila mu mashimba. Nsaa yatutekye Nshetu e mwiyilu mu bishima byetu’twe banabene, abilesha’shi tukwete kumumona bu kuuku eetu.

“Sunga penyi panwibitekye, tanwibitambula mwanda anwibitekye na nkalo ibubi.”​—Shake 4:3, EEM.

Tatwi balombene kukulupila’shi Efile Mukulu alula ku nteko yetu su atumutekye bintu byashakumina’shi tukite sunga’shi tupete. Bu kileshesho, Efile Mukulu e kwalula luteko lwa muntu ashaa maasha a makuta amutekye bwa’shi awine akunamu Efile mukulu etutoshaa bwa kwikala na lwabi, na kukulupila mu nkumino ya madimi? (Yeeshaya 65:11; Luka 12:15) Tatwibalombene kukulupila’shi Yehowa alule ku nteko yi byabya nya! Bwashi Yehowa alule ku nteko yetu, abitungu twikale bashinkamishe’shi byatumutekye bi mu kwipushena na byetulungula mu Bible.

 “Apele kutemesha miya, mpaa na yinyi nteko yaye ibisumanga.”​—Nkindji 28:9.

Mu mafuku a kala, Efile mukulu tabadi alula ntenko ya bantu babadi abapele kukokyela miya yaye. (Yeeshaya 1:15, 16) Efile Mukulu ntamushintulukye nya. (Malakii 3:6) Su atukumina’shi Efile Mukulu alule ku nteko yetu, abitungu twikale na nshalelo mwipushene na miya yaye. Kadi bi kwikala naminyi su tubadi bakite myanda ibubi kala? Bino abikyebe kulesha’shi Yehowa te bya kwitupusha dingi? Nya tabi byabya! Yehowa etufwila lusa su tubelanga na kushintula nshalelo etu bwa kukita abimusankisha.​—Bikitshino 3:19.