Bantu bebungi be mu nsenga be na lukalo lwa bidiibwa na mbalo ya kushaala. Bangi be penda na lukalo lwa kwikala na lukulupilo bwa mafuku e kumpala. Kwitatshisha kwetu bwa kukwasha bantu be mu lukalo akwitutwadila myabi y’Efile Mukulu mu kipaso kinyi?

“Akwasha mulanda eyapusha Yehowa, Aye nyi amufutu.”​—NKINDJI 19:17.

Yesu batushishe lukindji lwa muntu ababadi bakwate kwi bangifi abo nkumuleka peepi na lufu. (Luka 10:29-37) Ungi muntu mwenyi badi mwimane aye nkukwasha uno muntu ababadi batape. Badi mwibikite sunga byekala’shi tabadi muntu a kabila kaaye nya.

Uno muntu sha kalolo tabadi penda mupe uno muntu mutapikye bwanga na bukwashi bubadi nabo lukalo nya, anka badi dingi mumunyingishe na kumukwasha ku kinyongwa kyaye.

Nkinyi kyatulongyela ku luno lukindji? Yesu badi alesha’shi abitungu tukwashe bantu be mu lukalo na muyile ngobesha yetu. (Nkindji 14:31) Bifundwe biselele abitulongyesha’shi Efile Mukulu afudiisha bulanda na makyenga ooso binobino. Pangi twi kwiyipusha’shi; Efile Mukulu akebikitshi mu kipaso kinyi na nsaa kinyi? Mwisambo aulondo aukyebe kwisambila myabi ikulamine Mupangi oobe.