Lusangukilo lwa Yesu lubaadi lupe balondji baaye lukumiino na kisumi. Bu kileshesho, Mpoolo mutumibwa bayiile na kutambuka mu Asii Mupeela na mu kalunga ka Meditelanee, ende na kukita tukongye na kunyingisha beena Kidishitu bwabadya kushaala banyingye kumpala kwa bitompwanga na kubingwabingwa kukata. Sunga kubaadi nkalakasho i byabya, bwina Kidishitu bubaadi abutungunuka na kwenda kumpala mpa na kupalakana.

Mpoolo aye nabeene baadi mwediibwe mu lukano. Kadi, sunga mmwamwa mu lukano bafundjile mikanda ya kunyingisha na kulanga tukongye twa beena Kidishitu. Baadi mwibadimushe pabitale lukalakasho lukata lwa kusumbula kwa lukumiino. Ku bukwashi bwa kikudi kiselele, Mpoolo bamwene twatwa “tuumiishi twi bukyelo” twi na kwakula “kubi” atukyebe kutwela munkatshi mwabo na ‘kupambula balondji bwa’shi beebalonde.’—Bikitshino 20:29, 30.

Kusumbula kwa lukumiino kubabangile ku mbangilo kwa siekele a kumpala. Mu yaaya nsaa Yesu aye baadi mupwe kusanguka bapeele Yowano Bifumbulwe abilesha myanda ayikyebe kufika kumpala. Bu bibafundjile Yowano dingi shi, byabikala beshikwanyi sunga balongyeshi ba madimi ta kwi muntu e na mushindo wa kukutshisha Efile Mukulu bwashi alombashe mpàngo yaaye yooso bwa bantu na nsenga. Bantu ba mu “eumbo dyooso, kisamba, mwakulo na mwilo ooso,” abakyebe kupusha mukandu wibuuwa pabitale Bufumu bw’Efile Mukulu. (Bifumbulwe 14:6) Abakaalusha Mpaladiiso pa nsenga, na ooso akumiina kukita akikyeb’eshimba dy’Efile Mukulu akemutwele!

Opusha shi wawa “mmukandu wibuwa” koodi su? Su mbyabya, longa myanda ibungi pabitale mukandu w’Efile Mukulu bwa bantu bu byaudi mu Bible na mushindo waudi ulombeene nkukwasha lelo uno mpa na mu mafuku e kumpala.

We mulombeene kubadika Bible ku Internet mu site a www.pr418.com. Mu uno site, we mulombeene dingi kubadika broshire a La Bible—Quel est son message? na a Mukandu wibuwa w’Efile Mukulu! mpa na mukanda wa A nkinyi akilongyesha namu Bible? mpa na ingi mikanda ayilesha bwakinyi abitungu shi tutuule lukulupilo lwetu mu Bible na mushindo watudi balombeene kutumikila malango ebuwa e mwanka mu kifuko kyetu na mu nshalelo etu. Sunga kwipusha Temwe a Yehowa bwa kuuka myanda ibungi.

—Ngwatshibwe mu mukanda wa Bikitshino, Beena-Efeeze, Beena-Fidipe, Beena-Kolose, Filemone, 1 Yowano, Bifumbulwe.