Nteko i na muulo mu muwa oobe su? Bantu bebungi abelaa nteko, mpa na bantu bashy’abakumiinaa shi Efile Mukulu e kwanka. Kadi bwakinyi bantu abelaa nteko? Kunyima kwa kwela bantu nkonko mu France, mbamone shi kya pankatshi kya beena dyadya eumbo abelaa nteko sunga kunangwila ingi nsaa “penda bwa kupusha bibuwa.” Anka bu beena Mputu bebungi, tabelaa nteko pa mwanda wa kulangwila Efile nya. Pamutwe pa byabya, abelaa nteko bwa “kutaadisha binangu na kupusha bibuwa.” Ku lungi lupese, bangi bantu abatekaa kwi Efile Mukulu nka nsaa yabadi na lukalo lwa kintu kampanda; yaaya nsaa abatengyelaa shi ebape musango umune kyabatekye.​—Yeeshaya 26:16.

Kadi obe namu? Opwandjikisha shi luteko alukukwasha mpenda bwa kutaadisha binangu byoobe? Su we mukumiine mwi Efile Mukulu, okwete kumona mudimo wa nteko mu muwa oobe? Su abimweneka nka bu’shi nteko yoobe tayipetaa lwaluulo? Bible mukumbeene nkukwasha bwa kumona luteko, kushi bu bwanga abukukwasha bwa kupusha biya, kadi bu kintu kikata akikukwasha bwa kwifubwila pepi n’Efile Mukulu.