Myaluulo ku nkonko ya mu Bible
Ba mwikeyilu mbalombene kwitukwasha su?
Anka bu bibaabadi bakwashe Danyele mufubi a Efile Mukulu sha bulamate a kala, lelo ba mwikeyilu bakwete kukwasha bantu bwa kutemesha mukandu wibuwa
Yehowa Efile Mukulu bapangile midiyo ya ba mwikeyilu kumpala kwa kupanga bantu. (Yoobo 38:4, 7) Baaba ba mwikeyilu nyi mbipangwa bya mu kikudi bikwete kufubila Efile Mukulu, ingi nsaa kwete kwibatuma bwa kukunkusha na kukalwila bafubi baye be pa nsenga. (Misambo 91:10, 11) Lelo uno, ba mwikeyilu bakwete kukwasha bantu bwabadya kutemesha mukandu wibuwa wabakwete kulungula kwi balongi ba Yesu.—Badika Bifumbulwe 14:6, 7.
Twibalombene kwela nteko kwi ba mwikeyilu bwashi betukwashe su? Nya. Kwela nteko, nyi nkulangwila, kukumbene penda Efile Mukulu. (Bifumbulwe 19:10) Bu bi ba mwikeyilu abafubila Efile Mukulu, bakwete kulonda myanda yabebatekye kwi Efile Mukulu kushi ayibatekye bantu. Byabya, abitungu twikale atwele nteko misusa yooso nka penda kwi Efile Mukulu kukidila kwi Yesu.—Badika Misambo 103:20, 21; Mateo 26:53.
Kwi ba mwikeyilu bebubi su?
Anka bu bantu, ba mwikeyilu abaadi bebapangye na bulungantu bwa kwisangwila kukita myanda ibuwa sunga ibubi. Bi malwa, ba mwikeyilu bebungi abaadi batombokyele Efile Mukulu. (2 Mpyeele 2:4) Mwikeyilu akumpala baadi mutombokye nyi Satana; bangi abamulondele abo nkufika ba demo. Mu mafuku ashale, Satana na bademo baaye abaadi bebabingye mwiyilu na kwibasumbula pa nsenga.—Badika Bifumbulwe 12:7-9.
Kukamina kwa bubi na bukitekite kubanga mu 1914 akulesha shi Efile Mukulu akyebe kubutula Satana na ba dimo baaye binobino. Paapa, Efile Mukulu akekashe nsenga bu bibayidi kumpala.—Badika Bifumbulwe 12:12; 21:3, 4.
Tala dingi
KITENTA KYA MULAMI
Ba mwikeyilu mbalombene nkukwasha naminyi?
Misusa ibungi, Efile Mukulu badi mutume ba mwikeyilu bwabadya kufika mu kukwasha bantu.
