MIISAMBO YA MBANGILO | WE MULOMBENE KWIKALA PEPI N’EFILE MUKULU
Ta kwi nshalelo mukile uno buwa
Nkinyi kyoodi mulombene kukita bwa kwikala pepi n’Efile Mukulu? Tubataluula ino myanda ayilondo yodya kukita bwa kwikala mu kipwano kibuwa naaye:
-
Kuuka na kwitanyina eshina dy’Efile Mukulu, Yehowa.
-
Kwisamba naye pa kwikala na kyubishi kya kumuteka na kulonga Eyi dyaye, Bible.
-
Kukita myanda ayimusangasha na katshintshi kooso.
Efubwile pepi n’Efile Mukulu pa kwitamina eshina dyaye, kumuteka, kulonga Eyi dyaye na kukita myanda ayimusangasha
Mu kwipushena na ino myanda, we mulombene kwamba shi okwete kukita kyakya akitungu bwa kwikala pepi n’Efile Mukulu su? Kwi myanda yoodi mukumbene kushintuula su? Eyendo, abitungu kwitatshisha, kadi tubande kutala bipeta bilombene kumweka.
Jennifer a mu États-Unis amba shi: “Kwitatshisha kooso koodi mulombene kukita bwa kwikala mu kipwano kibuwa n’Efile Mukulu nkulombane. Kino kipwano akitwala myabi ibungi: Su wemukulupile mwi Efile Mukulu, okapusha bumuntu bwaye kalolo, bikishekishe, okyebe kumufula ngofu. Ta kwi nshalelo mukile uno buwa!”
Su we na lukalo lwa kwikala mu kipwano kibuwa n’Efile Mukulu, Batemwe ba Yehowa abakyebe nkukwasha na muloo ooso. Mbalombene kwilumbula bwa kulonga noobe Bible kushii nkuteka makuta. Atukwitamina dingi bwa kufika ku bisangilo byetu byatutwelaa ku Nshibo ya Bufumu, kwakwa okyebe nkasangana bantu abakitshi mwabo mooso bwa kulama kipwano kibuwa n’Efile Mukulu. * P’okitshi byabya, noobe namu okyebe kupusha nka bu mufundji a misambo bakwile shi: “Mwabi wande’mi nyi nkwikala pepi n’Efile Mukulu.”—Misambo 73:28.
^ par. 9 Bwa kuteka muntu a kulonga noobe Bible sunga kuuka mbalo i Nshibo ya Bufumu i pepi noobe, lungula muntu bakupa uno jurnale sunga shi twela mu site a www.pr418.com, na kutala muushi mwa mbalo ifunde shi, ETUFUNDJILE i kuushi kwesaki.
Tala dingi
NKONKO YABAKAMBAA KWELA
Kulonga kwa Bible akukitshikaa naminyi?
Tala myaluulo ya nkonko itale programe etu a kulonga kwa Bible.
