Myaluulo ku nkonko ya mu Bible
Nkinyi akikafwila bantu mu mafuku e kumpala?
Lufu lwa yesu alwitupa mushindo wa kwikala mu ndumbulwilo mwi bantu abetatshisha bwa bangi naminyi?
Kushii mpaka bantu abakyebe kutungunuka na kwenda kumpala mu myanda ya siyanse. Kadi abakoobesha bwa kutula ndumbulwilo e na bantu abetatshisha bwa bangi su? Nya. Lelo uno, mu nsenga ishima bantu mbekumine’bo banabeene na be na lwabi. Byabya, Efile Mukulu e na mpàngo ya kukitshiina bantu myanda ibuwa.—Badika 2 Mpyeele 3:13.
Eyi dy’Efile Mukulu aditupatulwila abikeekala bantu befuleene mu nsenga ishima. Bantu abakeekala mu bulungantu, na takukeekala muntu a kwibatshinyisha.—Badika Mika 4:3, 4.
Kwikumiina akukapu naminyi?
Ku kibangilo Efile Mukulu tabapangile bantu na kinangu kya kwikumiina nya. Anka p’abo kupela kukookyela Efile Mukulu, bantu ba kumpala babashimiishe kupwidika. Twi bapyane kinangu kya kwikumiina kwabadi. Na dingi, Efile Mukulu akafubu na Yesu bwa kwalusha bantu mu kupwidika.—Badika Beena-Looma 7:21, 24, 25.
Mu kwipushena na akikyebe eshimba dy’Efile Mukulu, Yesu bafwile bu mulambu bwa kushimisha bukitshishi bwa kukutwa kukookyela kwa muntu a kumpala. (Beena-Looma 5:19) Byabya Yesu bakitshine bwashi twikale na mushindo wa kupeta myanda ibuwa mu mafuku aafiki nsaa ayikeekala bantu bapashiibwe ku binangu bya kukita bubi.—Badika Misambo 37:9-11.
Tala dingi
KITENTA KYA MULAMI
Milayilo ayikalombana binyibinyi
Matemuki a mu Bible ebungi ngapwe kulombana, anka amo aakalombana mu mafuku aafiki.
KITENTA KYA MULAMI
Efile Mukulu afudiisha makyenga ooso binobino
Twi kuuka naminyi’shi Efile Mukulu akyebe kufudiisha makyenga ooso na kukutwa kwa kululama binobino?
