Mukwakula kwa kalolo, muntu ooso akuminaa kwikala na butaale, bululame, na kalolo. Kadi, bwakinyi lelo uno tukwete kumona buntomboshi, kukutwa kwa kululama, na myanda ibubi? Myanda ibubi ikwete kwenda na kukamina. Kwi muntu kwete kutakula bantu mu kukita myanda ibubi su?​—Badika 1 Yowano 5:19.

Efile Mukulu mupangye bantu na binangu bya kukita myanda ibubi su? Nya, mwanda Yehowa Efile Mukulu mmupangye bantu mu kifwanyi kyaye, na binangu bya kwambula kifulo kyaye. (Kibangilo 1:27; Yoobo 34:10) Kadi Efile Mukulu mmupe dingi bantu bulungantu bwa kwisangwila kya bakumina. Pabaadi baledi betu ba kumpala basangule kukita bibubi, abaadi basumbusheene kifwanyi ky’Efile Mukulu kya kupwidika nyi abo nkufika bashii bapwidikye. Twi bapyane mulwisho utukiile kwabadi.​—Badika Miiya Ikituulwe 32:4, 5.

Efile Mukulu akumina’shi tukambile binangu byetu bibubi. (Myeele 27:11) Kwete kwitulongyesha bwashi tumone bya kupela kukita bubi na byatudya kupeta muloo. Bwa binobino, tatwibalombeene kwambula kifulo ky’Efile Mukulu mu kipaso kipwidikye nya.​—Badika Misambo 32:8.

Sunga byekala shi myanda ibubi ikwete kwenda na kukamina, Efile Mukulu mwiyitadile bwa kapindji kapeela bwashi twimwene masaku akufubisha kwa bulungantu bwetu bibubi. (2 Mpyeele 3:7-9) Kushi mpaka, binobino, nsenga ayikala na bantu be na muloo abakokyela Efile Mukulu.​—Badika Misambo 37:9-11.