SHALAYI BAPASUKIE!
2023: Kipua kia tuinyongoshi—Bible akula kinyi?
Mu kipua kia 2023, mianda ikitshikie mu nsenga ishima ngishinkamishe’shi tui mu kipungo ki’abetamina mu Bible bu “mafuku a ku nfudiilo.” (2 Timote 3:1) Mianda ikuete kukitshika ngipushene na bino bibaabadi bapue kutemuka mu Bible bua kino kipungo kietu. Tala ino mianda:
Mianda ayikitshika mu nsenga ishima ibaabadi batemukie mu Bible
“Nkumo ya ngoshi.”—Mateo 24:6.
“Mu ma mbalo ebungi a mu nsenga mui ngoshi ikile bukopo.” a
Tala muisambo awamba’shi “Nnanyi akapasha bantu bashi basalayi” na awamba’shi: “Les dépenses militaires mondiales dépassent les 2 000 milliards de dollars.”
“Kutshinkatshinka kua nsenga mu ma mbalo elekeene.”—Maako 13:8.
“Kubanga ku mbangilo kua kipua kia 2023, nkukitshikie kutshinkatshika kua nsenga kui bukopo kushekeele dingi kuanka misusa 13.” b
Tala muisambo awamba’shi: “Kubakitshika kutshinkatshinka kukata kua nsenga mu Turquie na mu Syrie.”
“Bintu abitshinyisha.”—Luka 21:11.
“Kipungo kia kibobo kibaapu; kipungo kia kusaka kibafiki.”—António Guterres, secrétaire général des Nations unie. c
Tala muisambo awamba’shi: “Été 2023, vague de chaleur mondiale.”
“Bipupa bia nsala.”—Mateo 24:7.
“2023: Kingi kipua kia tuinyongoshi bua booso abakimbi bia kudiisha bifuko biabo.” d
Tala muisambo awamba’shi: “La crise alimentaire mondiale aggravée par la guerre en Ukraine et le changement climatique.”
“Bipungo bibukopo.”—2 Timote 3:1.
“Mu nsenga ishima, muntu umune pa bantu muanda e na maladi.” e
Tala muisambo awamba’shi: “Déclin alarmant de la santé mentale des ados.”
Tui kukulupila kinyi mu 2024?
Takui muntu auku binyibinyi akikitshika mu 2024. Anka mianda ayikitshika mu nsenga ayilesha’shi Bufumu bu’Efile Mukulu, sunga’shi mbulamatadi aaye a muiyilu, akiebe kupiana mbulamatadi ya bana ba bantu na kufudiisha bioso abifuisha makienga na tuinyongoshi.—Ndanyele 2:44; Kibafumbuilue 21:4.
Bua binobino, nsaa yatudi na kenyongoshi, tutekie Efile Mukulu etukuashe. Bible amba’shi:
“Pampusha mô, natûlu lukulupilo lwande modi.”—Misambo 56:3, EEM.
Tui kulesha naminyi’shi tui bakulupile mui Efile Mukulu? Atukunyingisha bodia kulonga bibungi pabitale milayilo ya mu Bible ayisambila mafuku e kumpala na nfudiilo a makienga. Ino milayilo ngilombene nkupa muloo obe na kifuko kiobe. Bua kuiyiuka tompa kulonga Bible na muntu a kukuasha.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c Nation unies, “Secretary-General’s Opening Remarks at Press Conference on Climate,” July 27, 2023.
d Programme alimentaire mondial (PAM), “Une faim catastrophique.”
e Organisation mondiale de la santé, “Journée mondiale de la santé mentale,” 10/10/2023.
Tala dingi
MIISAMBO IBUNGI
Lukulupilo lua binyibinyi bua nshalelo ebuwa mu mafuku e kumpala
Buakinyi milayilo i mu Bible ngilekene na mpuandikishi ya bantu?
ESSENTIAL BIBLE TEACHINGS
Bufumu bw’Efile Mukulu nkinyi?
Yesu mu mudimo waye, baadi mulambukishe Bufumu bw’Efile Mukulu kukila ingi myanda yooso. Munda mwa bipwa nkama, balondji baaye abatekanga shi bwabwa Bufumu bufikye.
TWI BANTU KINYI?
Teka bua’shi bafikie mu kukutala
Esambe mianda ya mu Bible sunga kulonga bibungi pabitale ba Temue ba Yehowa.
