Mu mikandu ibungi bakuete kuakuila nka pabitale miisambo ya bibeshi abituukila ku mushikua, etombo dia bisamba na ngoshi.

•   “Mu ma site a kuisamba na bantu bebungi mui miisambo ya mushikua ayituukila ku ngoshi ya Isaël na bena Gaza, na kui bantu abatakula bangi mu kutomboka.”​—The New York Times, 15 Mueshi w’Ekumi na umune 2023.

•   “Kubanga muifuku dia 7 dia mueshi w’Ekumi, mu nsenga mubanyisha na kuula miisambo ya mushikua n’etombo.”​—Dennis Francis, mukunkushi a Assemblée Générale des Nations-Unies muifuku dia 3 Mu’eshi w’Ekumi na umune 2023.

 Miisambo ya mushikua, etombo na ngoshi ta mmianda ipia nya. Bible akula pabitale bantu bakala babaadi ‘abeele bishima biabo bi’etombo bu mikietue’ na abaadi bafule ngoshi n’etombo. (Misambo 64:3; 120:7; 140:1) Sunga mbiabia Bible apatuula’shi mushikua watukuete kumona lelo uno wi na kipatuluilo ki na muulo.

 Bible apatuula tubingilo tubidi atulesha buakinyi mushikua ngupalakane lelo uno.

1.  1. Baadi mutemukie kipungo akikala “kifulo kia bebungi akikataala.” (Mateo 24:12) Munkatshi mua bantu t’amuikala kifulo nya, kadi amuikala mushikua.​—2 Timote 3:1-5.

2.  2. Kufuima kua mushikua lelo uno akulesha bukitshishi bua mayele ebubi a Satana Diabulu. Bible amba’shi “nsenga ishima i ku matalua a muntu mubi.”​—1 Yowano 5:19; Kibafumbuilue 12:9, 12.

 Anka, Bible amba’shi Efile Mukulu akiebe kukatusha mianda yoso ayifuisha mushikua na kulumbuula bubi boso buabadi bafuishe kui mushikua. Bible mmulee bino:

•   Efile Mukulu “akakumuna mpolo yoso ku meso kuabo na lufu t’alukekala kuanka dingi, t’akukekala dingi sunga mmaalo sunga nkudila sunga mmitanyo. Mianda ya kala ibashimina.”​—Kibafumbuilue 21:4.